ന്യൂഡല്‍ഹി: രാജ്യത്തെ ഏറ്റവും മികച്ച തൊഴിലുടമ ടാറ്റ പവറെന്ന് റിപ്പോര്‍ട്ട്. ഇ-കൊമേഴ്‌സ് ഭീമനായ ആമസോണും ടാറ്റ സ്റ്റീലും തൊട്ടുപുറകിലുണ്ട്. എച്ച്ആര്‍ സേവന ദാതാക്കളായ റാന്‍ഡ്സ്റ്റാഡ് ഇന്ത്യയുടെ വാര്‍ഷിക റിപ്പോര്‍ട്ട്, റാന്‍ഡ്സ്റ്റാഡ് എംപ്ലോയര്‍ ബ്രാന്‍ഡ് റിസര്‍ച്ച് (ആര്‍ഇബിആര്‍) 2023′ അനുസരിച്ച് മികച്ച സാമ്പത്തിക സ്ഥിതി, കരിയര്‍ പുരോഗതിയ്ക്കുള്ള അവസരം, പ്രശസ്തി എന്നിവ പ്രദാനം ചെയ്യുന്നതില്‍ ടാറ്റ പവര്‍ മുന്നിലെത്തി.
2022 ല്‍ ഒന്‍പതാം സ്ഥാനമായിരുന്നു ടാറ്റ പവറിന്റേത്. ആമസോണും ടാറ്റ പവറുമാണ് രണ്ടും മൂന്നും സ്ഥാനങ്ങളില്‍. ഈ കമ്പനികളും മുന്‍വര്‍ഷത്തെ അപേക്ഷിച്ച് നില മെച്ചപ്പടുത്തുകയായിരുന്നു.
ടാറ്റ കണ്‍സള്‍ട്ടന്‍സി സര്‍വീസസ് (ടിസിഎസ്) നാലാമതെത്തിയപ്പോള്‍ മൈക്രോസോഫ്റ്റ്, സാംസങ് ഇന്ത്യ,ഇന്‍ഫോസിസ്,ടാറ്റ മോട്ടോഴ്‌സ്, ഐബിഎം, റിലയന്‍സ് ഇന്‍ഡസ്ട്രീസ് എന്നിവയാണ് യഥാക്രമം ആദ്യപത്തില്‍ .ഓണ്‍ലൈന്‍ മെഗാസ്‌റ്റോറായ ബിഗ് ബാസ്‌ക്കറ്റ് രാജ്യത്തെ ഏറ്റവും ആകര്‍ഷകമായ സ്റ്റാര്‍ട്ടപ്പ് തൊഴിലുടമയായി.
തൊഴില്‍-ജീവിത സന്തുലിതാവസ്ഥ,പ്രശസ്തി,ശമ്പളം,ആനുകൂല്യങ്ങള്‍ എന്നീ ഘകടങ്ങളാണ് തൊഴിലുടമകളെ തെരഞ്ഞെടുക്കുമ്പോള്‍ ഇന്ത്യക്കാര്‍ മാനദണ്ഡമാക്കുന്നത്.സപ്ലിമെന്ററി വരുമാനത്തിനായി അധിക ജോലികളോ അസൈന്‍മെന്റുകളോ ഏറ്റെടുക്കാന്‍ അനുവദിച്ചാല്‍ തൊഴിലുടമ കൂടുതല്‍ ആകര്‍ഷകമാകും.ഓട്ടോമോട്ടീവ് (77 ശതമാനം),ഐടി, ഐടിഇഎസ്, ടെലികോം (76 ശതമാനം), എഫ്എംസിജി, റീട്ടെയില്‍, ഇ-കൊമേഴ്‌സ് (75 ശതമാനം) എന്നിവ ആകര്‍ഷകമായ മേഖലകള്‍.
32 വിപണികളിലെ 1.63 ലക്ഷം പേരെ പങ്കെടുപ്പിച്ച് നടത്തിയ സര്‍വേയാണ് ആര്‍ഇബിഐര്‍.
