വിഴിഞ്ഞം തുറമുഖം: ഭൂഗർഭ തീവണ്ടിപ്പാതയുടെ ഡിപിആറിന് അംഗീകാരമായികൊച്ചി– ബെംഗളൂരു വ്യവസായ ഇടനാഴി: കേന്ദ്രസർക്കാരിനെ വീണ്ടും സമീപിച്ച് കേരളംജിഎസ്ടി അപ്പലേറ്റ് ട്രിബ്യൂണല്‍ ഉടൻ പ്രവര്‍ത്തനക്ഷമമായേക്കുംവയോജന പാർപ്പിട വിപണി വൻ വളർച്ചയിലേക്ക്റഷ്യൻ എണ്ണ വാങ്ങിയതിന്റെ കണക്കുകൾ പുറത്തുവിട്ട് കേന്ദ്രം

റെനെസാസുമായി തന്ത്രപരമായ പങ്കാളിത്തം പ്രഖ്യാപിച്ച് ടാറ്റ മോട്ടോഴ്‌സ്

മുംബൈ: ആഭ്യന്തര, ആഗോള വിപണികൾക്കായി അർദ്ധചാലക പരിഹാരങ്ങൾ രൂപകൽപ്പന ചെയ്യുന്നതിനും വികസിപ്പിക്കുന്നതിനും നിർമ്മിക്കുന്നതിനും ജാപ്പനീസ് ചിപ്പ് നിർമ്മാതാക്കളായ റെനെസാസ് ഇലക്‌ട്രോണിക്‌സ് കോർപ്പറേഷനും ഇന്ത്യയുടെ ടാറ്റ മോട്ടോഴ്‌സും തന്ത്രപരമായ പങ്കാളിത്തം രൂപീകരിച്ചതായി കമ്പനികൾ ബുധനാഴ്ച അറിയിച്ചു. ഇലക്ട്രിക് വാഹനങ്ങളുടെ വളർച്ച ത്വരിതപ്പെടുത്തുന്നതിന് അടുത്ത തലമുറ ഓട്ടോമോട്ടീവ് ഇലക്ട്രോണിക്സ് വികസിപ്പിക്കുന്നതിന് ഇവി കാറുകളുടെ ഇന്ത്യയിലെ ഏറ്റവും വലിയ നിർമ്മാതാക്കളായ ടാറ്റ മോട്ടോഴ്‌സുമായി റെനെസാസ് സഹകരിക്കുമെന്ന് കമ്പനികൾ പ്രസ്താവനയിൽ പറഞ്ഞു.

പങ്കാളിത്തത്തിന്റെ ഭാഗമായി, 5G ഉൾപ്പെടെയുള്ള വയർലെസ് നെറ്റ്‌വർക്ക് സൊല്യൂഷനുകളിൽ ടാറ്റ ഗ്രൂപ്പ് കമ്പനിയായ തേജസ് നെറ്റ്‌വർക്കുമായും റെനെസാസ് ചേർന്ന് പ്രവർത്തിക്കും. ആഗോള വിപണികളിലേക്ക് വ്യാപിപ്പിക്കുക എന്ന ലക്ഷ്യത്തോടെ ഉൽപന്നങ്ങൾ തുടക്കത്തിൽ ഇന്ത്യയിലായിരിക്കും അവതരിപ്പിക്കുക. ബുധനാഴ്ച ടാറ്റ മോട്ടോർസ് ഓഹരികൾ 0.30 ശതമാനത്തിന്റെ നേട്ടത്തിൽ 418.35 രൂപയിലെത്തി.

X
Top