ന്യൂഡല്ഹി:396.45 കോടി രൂപയുടെ മൂന്നാം പാദ അറ്റാദായം രേഖപ്പെടുത്തിയിരിക്കയാണ് ടാറ്റ കണ്സ്യൂമര് പ്രൊഡക്ട്സ്. മുന്വര്ഷത്തെ സമാന പാദത്തെ അപേക്ഷിച്ച് 28 ശതമാനം വര്ദ്ധനവാണിത്. വരുമാനം 8 ശതമാനം ഉയര്ന്ന് 3475 കോടി രൂപയായി.
ഏകീകൃത എബിറ്റ 2 ശതമാനം താഴ്ന്ന് 458 കോടി രൂപയായപ്പോള് എബിറ്റ മാര്ജിന് 13.1 ശതമാനം. 100 ബേസിസ് പോയിന്റ് കുറവ്. മാക്രോ എക്കണോമിക് സാഹചര്യം വഷളാകുമ്പോഴും സന്തുലിതമായ വരുമാന വളര്ച്ച നേടാനായെന്ന് സിഇഒ സുനില് ഡിസൂസ പറയുന്നു.
ഉത്പാദന ചെലവ് ഉപഭോക്താക്കളിലേയ്ക്ക് കൈമാറിയിട്ടും ഉപ്പ് വിപണിയില് ആധിപത്യം നിലനിര്ത്തി. ടാറ്റ സമ്പന്,ടാറ്റ സോള്ഫുള്,എന്നിവയുടെ 13 ശതമാനം വിപണി വിഹിതം ചൂണ്ടിക്കാട്ടി ഡിസൂസ പറഞ്ഞു. അതേസമയം പാക്കേജ്ഡ് പാനീയ വ്യാപാരം 9 ശതമാനം വരുമാന കുറവ് നേരിട്ടു.
ഇന്ത്യയിലെ ഭക്ഷ്യ ബിസിനസ് 29 ശതമാനം വളര്ച്ച നേടിയിട്ടുണ്ട്. അളവിന്റെ കാര്യത്തില് വര്ധന 4 ശതമാനമാണ.് നൗറിഷ് കമ്പനി റവന്യൂ 16 ശതമാനം ഉയര്ന്നു.
പുതിയ ഉത്പന്നങ്ങള് വിപണിയിലിറക്കിയതോടെയാണിത്. ടാറ്റ സ്റ്റാര്ബക്ക്സ് വരുമാനത്തില് 42 ശതമാനം വര്ധനവാണുണ്ടായത്. പുതിയതായി 11 സ്റ്റോറുകളാണ് ടാറ്റ സ്റ്റാര്ബ്ക്ക്സ് കൂട്ടിച്ചേര്ത്തത്.
