മികച്ച ഉല്പ്പന്നങ്ങളും, ഉപയോക്താക്കളും ഉണ്ടായിരുന്നിട്ടും വര്ധിച്ചുവരുന്ന ചൈനീസ് വിരുദ്ധ വികാരത്തില് നട്ടം തിരിയുന്ന നിരവധി കമ്പനികളുണ്ട്. അവരില് പലരും നിലവില് തങ്ങളുടെ ബേസുകള് ചൈനയ്ക്കു പുറത്തേയ്ക്ക് എത്തിക്കാനോ, വിദേശ കമ്പനികളുമായി സഹകരണം സ്ഥാപിക്കാനോ ഉള്ള ശ്രമത്തിലാണ്.
അത്തരത്തില് ആഗോള തലത്തില് പ്രശസതമായ ഒരു ഇലക്ട്രോണിക്സ് നിര്മ്മാതാക്കളാണ് നിലവില് വാര്ത്തകളില് നിറയുന്നത്. ഇവര് തങ്ങളുടെ പ്രിയ വിപണികളില് ഒന്നായ ഇന്ത്യയില് വേരുകള് ഉറപ്പിക്കാന് ശ്രമിക്കുന്നു.
ഇന്ത്യക്കാരുടെ ചൈനീസ് പ്രിയന്
ഹയര് (Haier) എന്ന ഇല്ക്ട്രോണിക്സ് ബ്രാന്ഡ് ചൈനയുടേത് ആണെന്ന് അറിയാത്ത ആയിരകണക്കിന് ആളുകള് ഇന്നുമുണ്ട്. ഇന്ത്യന് വിപണികളില് അതിവേഗം ശ്രദ്ധ പിടിച്ചുപറ്റുന്നതിനിടെയാണ് ചൈനീസ് വിരുദ്ധ വികാരം ആഗോളതലത്തില് ശക്തമാകുന്നത്.
ഇതോടെ വിപണികള് നിലനിര്ത്താന് കമ്പനിക്ക് കടുത്ത തീരുമാനങ്ങള് എടുക്കേണ്ടി വന്നു. നിലവില് ഇന്ത്യന് ടെലികോം വമ്പനായ എയര്ടെല്ലിന്റെ മേധാവി സുനില് മിത്തല് ആണ് ഹയര് ഇന്ത്യയ്ക്കായി രംഗത്തെത്തിയിരിക്കുന്നത്.
മിത്തലിന്റെ നീക്കം
ഇന്ത്യന് കോടീശ്വരന് സുനില് മിത്തല്, യുഎസ് ആസ്ഥാനമായുള്ള സ്വകാര്യ ഇക്വിറ്റി കമ്പനിയായ വാര്ബര്ഗ് പിന്കസും ചേര്ന്ന് ഹയര് ഇന്ത്യയിലെ 49 ശതമാനം ഓഹരികള് സ്വന്തമാക്കാന് ബിഡ് സമര്പ്പിച്ചെന്നാണു വിവരം.
6,000 കോടി രൂപയെന്ന (720 മില്യണ് ഡോളര്) കുറഞ്ഞ മൂല്യനിര്ണയത്തിലാണ് ഈ നീക്കം. ചൈനീസ് ഇലക്ട്രോണിക്സ് വമ്പന്മാര് മുമ്പ് 2 ബില്യണ് യുഎസ് ഡോളറിന്റെ മൂല്യനിര്ണ്ണയം ആവശ്യപ്പെട്ടിരുന്നുവെന്നാണു വിവരം.
എന്നാല് ആരും മുന്നോട്ടു വന്നില്ല. ആഗോളതലത്തില് ഇന്ത്യന് ഉല്പ്പന്നങ്ങള്ക്കു ലഭിക്കുന്ന സ്വീകാര്യത നഷ്ടപ്പെടുത്താന് കമ്പനി തയ്യാറല്ല.
ഹയര് ഒരു ആഗോള വമ്പന്
ഇന്ത്യന് വിപണികളില് മാത്രമല്ല ആഗോള ഇലക്ട്രോണിക്സ് ആവാസ വ്യവസ്ഥയില് ഹയറിന് വലിയ പങ്കുണ്ട്. എയര് കണ്ടീഷണറുകള്, റഫ്രിജറേറ്ററുകള്, വാഷിംഗ് മെഷീനുകള്, മറ്റ് ഉപകരണങ്ങള് ഉള്പ്പെടെ നീണ്ട ഒരു പോര്ട്ട്ഫോളിയോ കമ്പനി അവകാശപ്പെടുന്നു.
ഇന്ത്യയില് കമ്പനിക്കു നിലവില് മൂന്ന് നിര്മ്മാണ സൗകര്യങ്ങളുണ്ട്. മുകേഷ് അംബാനിയുടെ റിലയന്സ് ഇന്ഡസ്ട്രീസുമായി ഹയര് ഇന്ത്യ നേരതേത് ചര്ച്ചകള് നടത്തിയിരുന്നുവെന്നും റിപ്പോര്ട്ടുകളുണ്ട്.
ഇന്ത്യന് കോടീശ്വരന് സുനില് മിത്തല്
ഇന്ത്യയിലെ ഏറ്റവും മികച്ച ബിസിനസുകാരില് ഒരാളാണ് സുനില്. ഫോര്ബ്സ് കണക്കുകള് പ്രകാരം അദ്ദേഹത്തിന്റെ ആസ്തി 15.1 ബില്യണ് യുഎസ് ഡോളറാണ്. സ്വകാര്യ ടെലികോം വമ്പന്മാരായ ഭാരതി എയര്ടെല് മിത്തലിന്റെ ഉടമസ്ഥതയിലുള്ളതാണ്.
നിലവില് പേര്ട്ട്ഫോളിയോ വികസിപ്പിക്കുന്ന തിരക്കിലാണ് അദ്ദേഹം. റിപ്പോര്ട്ടുകള് പ്രകാരം 12.18 ലക്ഷം കോടി വിപണിമൂല്യമുള്ള എയര്ടെല് ഇന്ത്യയിലെ ഏറ്റവും വലിയ രണ്ടാമത്തെ ടെലികോം പ്ലെയറാണ്.
