കൊച്ചി: ഇക്കോളിങ്ക് ബ്രാൻഡിന്റെ പുതിയ കാംപെയ്നായ ‘ഫാൻസ് റീഇമാജിൻഡ്’ സിഗ്നിഫൈ പുറത്തിറക്കി. നടിയും ബ്രാൻഡ് അംബാസഡറുമായ രാഷ്മിക മന്ദാനയാണ് കാംപെയ്നിന്റെ മുഖം. ആധുനിക ഉപഭോക്താക്കളുടെ ജീവിതശൈലിക്ക് അനുയോജ്യമായ ഡിസൈൻ, ഉയർന്ന പ്രകടനം, ഊർജക്ഷമത എന്നിവയുടെ സമന്വയമാണ് കാംപെയ്ൻ മുന്നോട്ടുവയ്ക്കുന്നത്. ആകർഷകമായ ഇന്റീരിയർ പശ്ചാത്തലത്തിൽ ഒരുക്കിയിരിക്കുന്ന പരസ്യചിത്രം, ഇക്കോളിങ്ക് ഫാനുകളെ വ്യക്തിപരമായ സ്റ്റൈലിന്റെ ഒരു ഭാഗമായാണ് അവതരിപ്പിക്കുന്നത്. എയർഒഎലിവേറ്റ്, എയർഒക്വാഡ് തുടങ്ങിയ മോഡലുകളിലായി ഉയർന്ന വേഗതയും മികച്ച വായു പ്രവാഹവും നൽകുന്ന ബിഎൽഡിസി സാങ്കേതികവിദ്യയോടെയാണ് ഫാൻ ശ്രേണി സജ്ജീകരിച്ചിരിക്കുന്നതെന്ന് സിഗ്നിഫൈ അറിയിച്ചു. ഹാഷ്ടാഗ് ഓറഞ്ചാണ് കാംപെയ്ൻ ആശയവത്കരിച്ചത്.
