മുംബൈ: എസ്ബിഐ ക്യാപിറ്റൽ മാർക്കറ്റ്സിന്റെ പൂർണ ഉടമസ്ഥതയിലുള്ള ഉപസ്ഥാപനമായ എസ്ബിഐ സെക്യൂരിറ്റീസ് എൻകെ പുരോഹിതിനെ അതിന്റെ പുതിയ ചീഫ് ബിസിനസ് ഓഫീസറായി നിയമിച്ചു.
ഈ നിയമനത്തിലൂടെ, സാങ്കേതികവിദ്യയും അതിന്റെ മാതൃ കമ്പനിയായ സ്റ്റേറ്റ് ബാങ്ക് ഓഫ് ഇന്ത്യയുടെ വിപുലമായ വ്യാപ്തിയും പ്രയോജനപ്പെടുത്തി വിപണി വിഭാഗത്തിൽ നേതൃസ്ഥാനം കൈവരിക്കാനാണ് എസ്ബിഐ സെക്യൂരിറ്റീസ് ലക്ഷ്യമിടുന്നത്. എസ്ബിഐ സെക്യൂരിറ്റീസിന് നിലവിൽ 800 കോടി രൂപയുടെ വരുമാനവും, ഏകദേശം 3 ദശലക്ഷത്തിലധികം വരുന്ന ഉപഭോക്തൃ അടിത്തറയുമുണ്ട്.
ഫിസിക്കൽ, ഡിജിറ്റൽ, ഫിജിറ്റൽ കമ്പനികളിൽ അനുഭവപരിചയമുള്ള ചുരുക്കം ചില എൻഡ്-ടു-എൻഡ് ബിസിനസ് ലീഡർമാരിൽ ഒരാളാണ് എൻ.കെ. പുരോഹിതിനെന്നും. അദ്ദേഹം എച്ച്ഡിഎഫ്സി ബാങ്കിൽ ഫിസിക്കൽ ചാനൽ ബിസിനസ്സ് കൈകാര്യം ചെയ്യുകയും ഏഞ്ചൽ ബ്രോക്കിംഗിൽ ഡിജിറ്റൽ ട്രാൻസ്ഫോർമേഷൻ ആൻഡ് ഡിസ്ട്രിബ്യൂഷൻ ബിസിനസ്സിന് നേതൃത്വം നൽകുകയും ചെയ്തതായി എസ്ബിഐ സെക്യൂരിറ്റികൾ പറഞ്ഞു.
പുരോഹിത് ബി.ടെക്കും (ഇലക്ട്രിക്കൽ), ഡെൽഹിയിലെ ഐഐടിയിൽ നിന്ന് മാർക്കറ്റിംഗിലും ധനകാര്യത്തിലും എംബിഎയും കൂടാതെ ഡെൻമാർക്കിലെ കോപ്പൻഹേഗൻ ബിസിനസ് സ്കൂളിൽ നിന്ന് ഡിജിറ്റൽ ട്രാൻസ്ഫോർമേഷൻ ഫോർ ഫിനാൻഷ്യൽ സർവീസസ് സർട്ടിഫിക്കേഷനും നേടിയിട്ടുണ്ട്. കൂടാതെ ബിഎഫ്എസ്ഐ വിഭാഗത്തിൽ എഐ,എംഎൽ എന്നിവയുടെ മികച്ച ഉപയോഗത്തിനുള്ള അവാർഡുകളും അദ്ദേഹം കരസ്ഥമാക്കിയിട്ടുണ്ട്.
