കൊച്ചി: എസ്ബിഐ ലൈഫ് ഈ വര്ഷം ജൂണ് 30-ന് അവസാനിച്ച ത്രൈമാസത്തില് 6,207 കോടി രൂപയുടെ പുതിയ ബിസിനസ് പ്രീമിയം സമാഹരിച്ചു. മുന് വര്ഷം ഇതേ കാലയളവിനേക്കാള് 18 ശതമാനം വര്ധനവാണിത്.
പരിരക്ഷാ വിഭാഗത്തിലെ പുതിയ ബിസിനസ് പ്രീമിയം ഇതേ കാലയളവില് 12 ശതമാനം വര്ധനവോടെ 781 കോടി രൂപയിലും എത്തിയിട്ടുണ്ട്.
ജൂണ് 30ന് അവസാനിച്ച കാലയളവിലെ നികുതിക്കു ശേഷമുള്ള ലാഭം 381 കോടി രൂപയാണ്. കമ്പനിയുടെ സോള്വന്സി നിരക്ക് നിയന്ത്ര സംവിധാനങ്ങള് നിഷ്കര്ഷിക്കുന്ന 1.50-ന്റെ സ്ഥാനത്ത് 2.15 ആയി തുടരുകയാണ്.
എസ്ബിഐ ലൈഫ് കൈകാര്യം ചെയ്യുന്ന ആകെ ആസ്തികള് 25 ശതമാനം വര്ധിച്ച് 3,28,283 കോടി രൂപയിലും എത്തിയിട്ടുണ്ട്.
