മുംബൈ: സാമ്പത്തിക മാന്ദ്യം ഇലക്ട്രോണിക് ഉപകരണങ്ങളുടെയും അവയിൽ ഉപയോഗിക്കുന്ന മെമ്മറി ചിപ്പുകളുടെയും ഡിമാൻഡ് കുറച്ചതിനാൽ സാംസങ് ഇലക്‌ട്രോണിക്‌സ് കമ്പനി അതിന്റെ മൂന്നാം പാദ ലാഭത്തിൽ 31% ഇടിവ് രേഖപ്പെടുത്തി.
2022 ജൂലൈ-സെപ്റ്റംബർ പാദത്തിൽ കമ്പനിയുടെ പ്രവർത്തന ലാഭം ഒരു വർഷം മുമ്പ് നേടിയ 15.8 ട്രില്യണിൽ നിന്ന് 10.85 ട്രില്യൺ വോൺ ആയി (7.66 ബില്യൺ ഡോളർ) കുറഞ്ഞു. ലോകത്തിലെ ഏറ്റവും വലിയ മെമ്മറി ചിപ്പ് നിർമ്മാതാക്കളായ കമ്പനിയുടെ അർദ്ധചാലക വരുമാനം സെപ്റ്റംബറിൽ അവസാനിച്ച മൂന്ന് മാസങ്ങളിൽ 23 ട്രില്യൺ വോൺ (16.1 ബില്യൺ ഡോളർ) ആയി.
വിശകലന വിദഗ്‌ദ്ധർ 35 ട്രില്യൺ വോണിന്റെ വരുമാനം പ്രതീക്ഷിച്ചിരുന്നു. അതേസമയം എതിരാളികളിൽ നിന്ന് വ്യത്യസ്തമായി, സാംസങ് അതിന്റെ ചിപ്പ് മൂലധന ചെലവ് വർദ്ധിപ്പിക്കുന്നു, ഇത് കഴിഞ്ഞ വർഷത്തെ 43.6 ട്രില്യണിൽ നിന്ന് 47.7 ട്രില്യണായി ഉയർന്നു. വ്യാഴാഴ്ചത്തെ ആദ്യ വ്യാപാരത്തിൽ സാംസങ് ഓഹരികളിൽ കാര്യമായ മാറ്റമുണ്ടായില്ല.
കൂടാതെ സാംസങ് ഇലക്‌ട്രോണിക്‌സ് ജെയ് വൈ. ലീയെ കമ്പനിയുടെ എക്‌സിക്യൂട്ടീവ് ചെയർമാനായി നിയമിച്ചു.
