ന്യൂഡല്ഹി: റിസര്വ് ബാങ്ക് ഓഫ് ഇന്ത്യ (ആര്ബിഐ) 2022-23 സാമ്പത്തിക വര്ഷത്തിലെ ആദ്യ ആറ് മാസങ്ങളില് സെന്ട്രല് ബാങ്കുകളില് നിന്നും വിദേശ വാണിജ്യ ബാങ്കുകളില് നിന്നും 66.73 ബില്യണ് ഡോളര് പിന്വലിച്ചു. ഡോളറിനെതിരെ രൂപയുടെ മൂല്യമിടിവ് ശക്തമായ പശ്ചാത്തലത്തിലാണിത്. കേന്ദ്രബാങ്കുകളിലേയും ബാങ്ക് ഓഫ് ഇന്റര്നാഷണല് സെറ്റില്മെന്റുകളിലെയും നിക്ഷേപങ്ങളില് നിന്ന് 140.53 ബില്യണ് ഡോളറാണ് പിന്വലിക്കപ്പെട്ടത്.
സെന്ട്രല് ബാങ്കുകളിലെ ഇന്ത്യയുടെ നിക്ഷേപം 81.63 ബില്യണ് ഡോളറായി കുറഞ്ഞപ്പോള് വാണിജ്യ ബാങ്കുകളിലെ നിക്ഷേപം 7.83 ബില്യണ് ഡോളര് ഇടിഞ്ഞ് 29.32 ബില്യണ് ഡോളറിലെത്തിയിട്ടുണ്ട്.2022 സെപ്റ്റംബര് വരെയുള്ള കണക്കനുസരിച്ച്, മൊത്തം വിദേശ കറന്സി ആസ്തിയായ 472.81 ബില്യണ് ഡോളറില് 361.84 ബില്യണ് ഡോളറാണ് സെക്യൂരിറ്റികളിലുള്ളത്.
81.64 ബില്യണ് ഡോളര് മറ്റ് സെന്ട്രല് ബാങ്കുകളിലേയ്ക്കും ബിഐഎസിലേയ്ക്കും മാറ്റിയപ്പോള് ബാക്കി 29.33 ബില്യണ് ഡോളര് വിദേശ വാണിജ്യ ബാങ്കുകളിലാണുള്ളത്. 447.30 മെട്രിക് ടണ് സ്വര്ണ്ണം ബാങ്ക് ഓഫ് ഇംഗ്ലണ്ട്, ബിഐഎസ് എന്നിവയില് സുരക്ഷിതമാക്കി. 296.48 മെട്രിക് ടണ് സ്വര്ണ്ണം ഇന്ത്യയിലുമുണ്ട്.
ഇന്ത്യ ഇന്ഫ്രാസ്ട്രക്ചര് ഫിനാന്സ് കമ്പനി (യുകെ) ലിമിറ്റഡ് ബോണ്ടുകളില് 5 ബില്യണ് ഡോളര് വരെ നിക്ഷേപിക്കാനും സെന്ട്രല് ബാങ്കിന് അധികാരമുണ്ട്. 2022 സെപ്റ്റംബറിലെ കണക്കനുസരിച്ച് അത്തരം ബോണ്ടുകളില് നിക്ഷേപിച്ച തുക 1.323 ബില്യണ് ഡോളറാണ്.
ഡോളര് വിറ്റും ആര്ബിഐ രൂപയുടെ മൂല്യമിടിവിന് തടയിടുന്നു. അതുകൊണ്ടുതന്നെ വിദേശ നാണ്യ ശേഖരത്തില് വലിയ തോതിലുള്ള ഇടിവാണുണ്ടായിരിക്കുന്നത്. 2021 ഒക്ടോബറില് എക്കാലത്തേയും ഉയരമായ 645 ബില്യണ് ഡോളറിലെത്തിയ ശേഖരം ഒക്ടോബറിലവസാനിച്ച ആഴ്ചയില് 531.0810 ഡോളറായാണ് കുറഞ്ഞത്.
ഇതില് സ്വര്ണ ശേഖരം37.762 ബില്യണ് ഡോളറായപ്പോള് വിദേശ നാണ്യ ആസ്തി 470.8 ബില്യണ് ഡോളറാണ്.
