ന്യൂഡല്ഹി: അടുത്ത സാമ്പത്തികവര്ഷത്തെ (2024) പണനയ കമ്മിറ്റി (എംപിസി) മീറ്റിംഗ് ഷെഡ്യൂള്, ആര്ബിഐ (റിസര്വ് ബാങ്ക് ഓഫ് ഇന്ത്യ) വെള്ളിയാഴ്ച പുറത്തിറക്കി. ആദ്യ യോഗം 2023 ഏപ്രില് 3-5 തീയതികളില് നടക്കും പിന്നീടുള്ളത് ജൂണ് 6-8 തീയതികളിലും മൂന്നാമത്തേയും നാലാമത്തേയും അഞ്ചാമത്തേയും മീറ്റിംഗുകള് ഓഗസ്റ്റ് 8-10, ഒക്ടോബര് 4-6, ഡിസംബര് 6-8 തീയതികളിലുമായി ഷെഡ്യൂള് ചെയ്യപ്പെട്ടിരിക്കുന്നു.
ആറാമത്തെ ദ്വൈമാസ യോഗം 2024 ഫെബ്രുവരി 6-8 തീയതികളില്. ആര്ബിഐ ഗവര്ണറുടെ അധ്യക്ഷതയിലുള്ള ധനനയ കമ്മിറ്റിയില് രണ്ട് കേന്ദ്രബാങ്ക് പ്രതിനിധികളും മൂന്ന് ബാഹ്യ അംഗങ്ങളുമാണുള്ളത്. ഭൗമ രാഷ്ട്രീയ സാഹചര്യങ്ങള് പരിശോധിക്കുന്നതിനും അതനുസരിച്ച് പണനയം രൂപപ്പെടുത്താനുമാണ് എംപിസി ദ്വൈമാസ യോഗം ചേരുന്നത്.
ഫെബ്രുവരിയില് നടന്ന അവസാന യോഗത്തില് 25 ബേസിസ് നിരക്ക് വര്ദ്ധന വരുത്താന് കമ്മിറ്റി തയ്യാറായി. നടപ്പ് സാമ്പത്തികവര്ഷത്തിലെ ആറാം വര്ധന. കഴിഞ്ഞമാസത്തില് റിട്ടെയ്ല് പണപ്പെരുപ്പം കുറഞ്ഞിരുന്നു.
അതേസമയം അതിപ്പോഴും ടോളറന്സ് പരിധിയായ 6 ശതമാനത്തിന് മുകളിലാണ്.
