ന്യൂഡല്‍ഹി: 2033 ല്‍ കാലാവധി പൂര്‍ത്തിയാകുന്ന പുതിയ 10 വര്‍ഷ സര്‍ക്കാര്‍ സെക്യൂരിറ്റികള്‍ റിസര്‍വ് ബാങ്ക് ഓഫ് ഇന്ത്യ (ആര്‍ബിഐ)പ്രഖ്യാപിച്ചു.14,000 കോടി രൂപയാണ് ഇതുവഴി സമാഹരിക്കുക. ഓഗസ്റ്റ് 11 ന് ആരംഭിക്കുന്ന പ്രതിവാര ലേലത്തിനിടയില്‍ കൂപ്പണ്‍ സ്ഥാപിക്കും.
യൂണിഫോം പ്രൈസ് മെത്തേഡില്‍ 2028 ല്‍ മെച്വറാകുന്ന 7.06 ശതമാനം ബോണ്ടുകളുടേയും 2033 ന്യൂ ഗവണ്‍മെന്റ് സെക്യൂരിറ്റികളുടേയും മള്‍ട്ടിപ്പിള്‍ പ്രൈസ് മെത്തേഡില്‍ 7.3 ശതമാനം 2053 ബോണ്ടുകളുടേയും ലേലം നടക്കും.
മള്‍ട്ടിപ്പിള്‍ വില അടിസ്ഥാനമാക്കിയുള്ള ലേലത്തിന്, വിജയകരമായ ബിഡ്ഡുകള്‍ അതത് ക്വോട്ട് ചെയ്ത യീല്‍ഡിലോ സെക്യൂരിറ്റിയുടെ വിലയിലോ സ്വീകരിക്കും. ഏകീകൃത വില അടിസ്ഥാനമാക്കിയുള്ള ലേലത്തിനായി, അംഗീകരിക്കപ്പെട്ട കട്ട്-ഓഫ് യീല്‍ഡ് / വിലയില്‍ ബിഡ്ഡുകള്‍ സ്വീകരിക്കും.
