മുംബൈ: കമ്പനിയുടെ ചീഫ് ഫിനാൻഷ്യൽ ഓഫീസറായി (CFO) ജി. രവിശങ്കറിനെ നിയമിക്കുന്നതായി അറിയിച്ച് പവർ ഗ്രിഡ് കോർപ്പറേഷൻ ഓഫ് ഇന്ത്യ. 2022 സെപ്റ്റംബർ 26 ന് നിയമനം പ്രാബല്യത്തിൽ വന്നതായി കമ്പനി കൂട്ടിച്ചേർത്തു. നിയമന അറിയിപ്പിന് പിന്നാലെ കമ്പനിയുടെ ഓഹരികൾ 1.02 ശതമാനം ഉയർന്ന് 206.99 രൂപയിലെത്തി.
ചീഫ് ഫിനാൻഷ്യൽ ഓഫീസറായി ചുമതലയേൽക്കുന്നതിന് മുമ്പ് അദ്ദേഹം കമ്പനിയിൽ ഫിനാൻസ് ഡയറക്ടറായി പ്രവർത്തിച്ചിരുന്നു. കൂടാതെ രവിശങ്കറിന് ഫിനാൻസ് മേഖലയിൽ 32 വർഷത്തെ പ്രവർത്തി പരിചയമുണ്ട്.
വിവിധ സംസ്ഥാനങ്ങളിലുടനീളമുള്ള ബൾക്ക് പവർ ട്രാൻസ്മിഷനിൽ ഏർപ്പെട്ടിരിക്കുന്ന ഒരു ഇന്ത്യൻ പൊതുമേഖലാ സ്ഥാപനമാണ് പവർ ഗ്രിഡ് കോർപ്പറേഷൻ ഓഫ് ഇന്ത്യ ലിമിറ്റഡ്. കമ്പനിയുടെ 51.34% ഓഹരി ഇന്ത്യാ ഗവൺമെന്റിന്റെ കൈവശമാണ്.
