കൊച്ചി: സംസ്ഥാനത്ത് ഐടി പാര്ക്കുകളില് മദ്യം വിളമ്പാന് അനുമതി. ഇതുസംബന്ധിച്ച ഉത്തരവ് സര്ക്കാര് പുറത്തിറങ്ങി. സർക്കാർ ഉടമസ്ഥതയിൽ പ്രവർത്തിക്കുന്ന ഐടി പാർക്കുകൾക്കും സ്വകാര്യ ഐടി പാർക്കുകൾക്കും ലൈസൻസിന് അപേക്ഷിക്കാം.
ഒരു സ്ഥാപനത്തിന് ഒരു ലൈസന്സ് മാത്രമേ അനുവദിക്കൂ. ഉച്ചയ്ക്ക് 12 മുതൽ രാത്രി 12 വരെയാണ് പ്രവർത്തന സമയം. 10 ലക്ഷം രൂപയാണ് വാര്ഷിക ലൈസന്സ് ഫീ. സംസ്ഥാന സര്ക്കാരിന്റെ മദ്യ നയത്തിന്റെ ഭാഗമായിട്ടാണ് നടപടി.
ഐടി പാര്ക്കുകളിലെ പ്രത്യേക കെട്ടിടത്തിലാണ് മദ്യ ഷോപ്പുകള് തുറക്കേണ്ടത്. ജീവനക്കാര്ക്ക് മാത്രമാണ് ഷോപ്പുകളില് പ്രവേശനം.
കമ്പനികളുടെ ഔദ്യോഗിക സന്ദര്ശകര്ക്കും അതിഥികള്ക്കും മദ്യം വില്ക്കാം. ഔദ്യോഗിക അതിഥികള്ക്ക് മദ്യം നല്കാന് പ്രത്യേക അനുമതി വേണം.
എഫ്എല് 9 ലൈസന്സുള്ളവരില് നിന്ന് മാത്രമേ വിദേശമദ്യം വാങ്ങാന് പാടുള്ളു. ഒന്നാം തീയതിയും സര്ക്കാര് നിശ്ചയിച്ച മറ്റ് ഡ്രൈ ഡേകളിലും മദ്യം വിൽക്കാൻ അനുമതിയില്ല.
