സിംഗപ്പൂര്: ചൈനയുടെ മോശം സാമ്പത്തിക പ്രകടനം അന്താരാഷ്ട്ര വിപണിയില് എണ്ണവില താഴ്ത്തി. ബ്രെന്റ് അവധി ചൊവ്വാഴ്ച 0.1 ശതമാനം താഴ്ന്ന് 93.28 ഡോളറിലും വെസ്റ്റ് ടെക്സാസ് ഇന്റര്മീഡിയറ്റ് (ഡബ്ല്യുടിഐ) 0.1 ശതമാനം താഴ്ന്ന് 85.78 ഡോളറിലുമാണ് വ്യാപാരത്തിലുള്ളത്. തിങ്കളാഴ്ച ഇരു സൂചികകളും 4 ശതമാനം നഷ്ടം നേരിട്ടിരുന്നു.
2023 വര്ഷത്തെ ഡിമാന്റ് അനുമാനം ഓര്ഗനൈസേഷന് ഓഫ് പെട്രോളിയം എക്സ്പോര്ട്ടിംഗ് കണ്ട്രീസ് (ഒപെക്) ചുരുക്കിയിട്ടുണ്ട്. ഏപ്രിലിനു ശേഷം ഇത് അഞ്ചാം തവണയാണ് ഒപെക് ഡിമാന്റ് താഴ്ത്തുന്നത്. ഉയര്ന്ന പണപ്പെരുപ്പവും പലിശനിരക്ക് വര്ധനവുമാണ് കാരണം.
അതേസമയം ഈ വര്ഷത്തെ അവസാന ഒപെക് മീറ്റിംഗ് ഡിസംബറില് നടക്കും. മാത്രമല്ല, നേരത്തെ തീരുമാനിച്ച ഉത്പാദനം വെട്ടിച്ചുരുക്കല് ഉടന് പ്രാബല്യത്തില് വരും. ഇതോടെ എണ്ണവില വീണ്ടും ഉയര്ച്ച കൈവരിച്ചേക്കാം.
