ന്യൂഡല്‍ഹി: പൊതുമേഖല ഊര്‍ജ്ജഭീമന്‍ എന്‍ടിപിസി നടപ്പ് സാമ്പത്തികവര്‍ഷത്തില്‍ 300 ബില്യണ്‍ യൂണിറ്റി (ബിയു) വൈദ്യുതി ഉത്പാദിപ്പിച്ചു.
2023 ജനുവരി 5 വരെ 73.7 ശതമാനം പിഎല്‍എഫ് (പ്ലാന്റ് ലോഡ് ഫാക്ടര്‍ അല്ലെങ്കില്‍ കപ്പാസിറ്റി വിനിയോഗം) ആണ് കമ്പനി രേഖപ്പെടുത്തിയത്. കഴിഞ്ഞ സാമ്പത്തികവര്‍ഷം ഇതേ കാലയളവില്‍ ഇത് 68.5 ശതമാനമായിരുന്നു.
മൊത്തത്തിലുള്ള അഖിലേന്ത്യ പിഎല്‍എഫ് 63.27 ശതമാനമാണ്. കഴിഞ്ഞ 279 ദിവസം കൊണ്ട് 300 ബിയു വൈദ്യുതിയാണ് ഉല്‍പ്പാദിപ്പിക്ക്‌പ്പെട്ടത്. 2022 നെ അപേക്ഷിച്ച് 1 മാസം കുറവാണ് ഇത്രയും ഉത്പാദിപ്പിക്കാനെടുത്തത്.
2021-22ല്‍, ഫെബ്രുവരി 5ന് 300 ദിവസങ്ങള്‍ കൊണ്ട് കമ്പനി 300 ബിയു ജനറേഷന്‍ മാര്‍ക്ക് കടന്നു. 2022 ഏപ്രില്‍-ഡിസംബര്‍ കാലയളവില്‍ കമ്പനി 295.4 ബിയു ഉത്പാദനം രേഖപ്പെടുത്തി. മുന്‍ വര്‍ഷത്തേക്കാള്‍ 11.6 ശതമാനം വളര്‍ച്ച.
