മുംബൈ: ഇന്ത്യന്‍ ബെഞ്ച്മാര്‍ക്ക് സൂചികകള്‍ ചൊവ്വാഴ്ച മികച്ച നേട്ടത്തില്‍ ക്ലോസ് ചെയ്തു. സെന്സെക്സ് 594.95 പോയിന്റ് അഥവാ 0.73 ശതമാനം ഉയര്‍ന്ന് 82380.69 ലെവലിലും നിഫ്റ്റി 0.68 ശതമാനം അഥവാ 169.90 ഉയര്‍ന്ന് 25239.10 ലെവലിലുമാണ് വ്യാപാരം അവസാനിപ്പിച്ചത്.
2294 ഓഹരികള്‍ മുന്നേറിയപ്പോള്‍ 1470 ഓഹരികള്‍ ഇടിഞ്ഞു. 131 ഓഹരി വിലകളില്‍ മാറ്റമില്ല. കൊടക് മഹീന്ദ്ര ബാങ്ക്, എല്‍ആന്റ്ടി,മാരുതി സുസുക്കി, ഭാരതി എയര്‍ടെല്‍,ടാറ്റ സ്റ്റീല്‍ എന്നിവയാണ് മികച്ച തോതില്‍ ഉയര്‍ന്ന ഓഹരികള്‍. ശ്രീരാം ഫിനാന്‍സ്, ബജാജ് ഫിനാന്‍സ്, ടാറ്റ കണ്‍സ്യൂമര്‍, നെസ്ലെ, ഏഷ്യന്‍ പെയിന്റ്സ് എന്നിവ ഇടിഞ്ഞു.
മേഖലകളില്‍ എഫ്എംസിജി ഒഴികെയുളളവ നേട്ടത്തിലായി. വാഹനം, റിയാലിറ്റി, ടെലികോം എന്നിവ 1 ശതമാനം വീതമാണുയര്‍ന്നത്. ബിഎസ്ഇ മിഡ്ക്യാപ്, സ്മോള്‍ക്യാപ് സൂചികകള്‍ 0.6 ശതമാനമുയര്‍ന്നു.
