Alt Image
ആപ്പിള്‍ എയര്‍പോഡ്‌സിനുള്ള ഘടകങ്ങള്‍ ഇനി ഇന്ത്യയില്‍ നിന്നുംവിദേശ നാണ്യ ശേഖരം തുടര്‍ച്ചയായ രണ്ടാം ആഴ്ചയും ഉയര്‍ന്നു25 ബേസിസ് പോയിന്റ് നിരക്ക് വര്‍ധന പ്രതീക്ഷിച്ച് റോയിട്ടേഴ്‌സ് പോള്‍കേന്ദ്ര ഇടപെടൽ: ഗോതമ്പിന്റെ മൊത്തവില കുറയുന്നുകേന്ദ്ര ബഡ്‌ജറ്റ് 2023-24: ഇളവുകൾ ഉന്നമിട്ട് ആദായനികുതി

പുതിയ ബാങ്ക് ലോക്കര്‍ നിയമങ്ങള്‍ ജനുവരി 1 മുതല്‍ – വിശദാംശങ്ങള്‍

ന്യൂഡല്‍ഹി: ജനുവരി 1 ന് മുന്‍പ്, ലോക്കര്‍ ഉടമകളുമായി കരാറിലേര്‍പ്പെടണമെന്ന് മുന്‍നിര ബാങ്കുകളോട് റിസര്‍വ് ബാങ്ക് ഓഫ് ഇന്ത്യ (ആര്‍ബിഐ).പുതിയ ലോക്കര്‍ നിയമങ്ങള്‍ ആ തീയതി മുതലാണ് നടപ്പിലാകുന്നത്.

‘ബാങ്കുകള്‍ അവരുടെ ലോക്കര്‍ കരാറുകളില്‍ അന്യായമായ നിബന്ധനകളോ വ്യവസ്ഥകളോ ഉള്‍പ്പെടുത്തരുത്. നിബന്ധനകള്‍ സാധാരണ ബിസിനസ്സിന് ആവശ്യമുള്ളതിനേക്കാള്‍ കഠിനമായിരിക്കരുത്. 2023 ജനുവരി 1-നകം ലോക്കര്‍ ഉപഭോക്താക്കളുമായി കരാര്‍ പുതുക്കണം’, ആര്‍ബിഐ നിഷ്‌ക്കര്‍ഷിക്കുന്നു.

ബാങ്കുകള്‍ക്ക് ഐബിഎ- ഡ്രാഫ്റ്റ് ചെയ്ത മോഡല്‍ ലോക്കര്‍ കരാര്‍ ഉപയോഗിക്കാം. എന്നാല്‍ അത് പുതുക്കിയ നിര്‍ദ്ദേശങ്ങള്‍ക്ക് അനുസൃതമായിരിക്കണം. 2021 ഓഗസ്റ്റ് 8-ന് പ്രഖ്യാപിക്കുകയും 2022 ജനുവരി 1-ന് പ്രാബല്യത്തില്‍ വരികയും ചെയ്ത പുതിയ മാര്‍ഗ്ഗനിര്‍ദ്ദേശങ്ങള്‍ അനുസരിച്ച്, സുരക്ഷിത നിക്ഷേപ നിലവറകളുടെ സുരക്ഷ ഉറപ്പാക്കേണ്ടത് ബാങ്കുകളുടെ ഉത്തരവാദിത്തമാണ്.

ലോക്കറില്‍ സൂക്ഷിച്ച എന്തെങ്കിലും നഷ്ടപ്പെടുന്ന പക്ഷം പണം നല്‍കാന്‍ ബാങ്ക് ബാധ്യസ്ഥരാണ്.
വിലപിടിപ്പുള്ള വസ്തുക്കള്‍ കൊള്ളയടിക്കപ്പെടുകയോ തീപിടിത്തം, കെട്ടിടം തകരല്‍ എന്നിവ മൂലം നശിപ്പിക്കപ്പെടുകയോ ചെയ്താല്‍ ഉപഭോക്താക്കള്‍ക്ക് ബാങ്ക് ചാര്‍ജിന്റെ 100 ഇരട്ടി വരെ നഷ്ടപരിഹാരം ലഭിക്കും.

”നിലവറകള്‍ സ്ഥാപിച്ചിരിക്കുന്ന പരിസരത്തിന്റെ സുരക്ഷയ്ക്കായി എല്ലാ നടപടികളും ബാങ്ക് സ്വീകരിക്കണം. തീപിടിത്തം, മോഷണം/ കവര്‍ച്ച, തട്ടിപ്പ്, കെട്ടിട തകര്‍ച്ച തുടങ്ങിയ സംഭവങ്ങള്‍ ബാങ്കിന്റെ സ്വന്തം പോരായ്മകള്‍, അശ്രദ്ധ, വീഴ്ച/കമ്മിഷന്‍ എന്നിവ കാരണം സംഭവിക്കുന്നില്ലെന്ന് ഉറപ്പാക്കണം. മുകളില്‍ സൂചിപ്പിച്ച സംഭവങ്ങള്‍ മൂലമോ ജീവനക്കാരുടെ (കള്‍) വഞ്ചനയുടെ ഫലമായോ ലോക്കര്‍ വസ്തുവിന് എന്തെങ്കിലും സംഭവിച്ചാല്‍ വാര്‍ഷിക വാടകയുടെ നൂറിരട്ടി തുല്യമായ തുകയായിരിക്കും ബാങ്കുകളുടെ ബാധ്യത,” ആര്‍ബിഐ നിയമം പറയുന്നു.

ബാങ്കിനുള്ളിലെ ഡിസ്‌പ്ലേ ബോര്‍ഡില്‍ വിവരങ്ങള്‍ പ്രദര്‍ശിപ്പിച്ച് ലോക്കറുകളുടെ ലഭ്യത പരസ്യമാക്കണം. ശൂന്യമായ ലോക്കറുകളുടെ ലിസ്റ്റ്,വെയിറ്റിംഗ് ലിസ്റ്റ്, വെയിറ്റിംഗ് ലിസ്റ്റിലെ നമ്പര്‍ എന്നിവ ഉപഭോക്താക്കളെ അറിയിക്കണം.

എസ്എംഎസ് അലേര്‍ട്ടുകള്‍
ഒരു ഉപഭോക്താവ് തന്റെ ലോക്കറിലേക്ക് പ്രവേശിക്കുമ്പോഴെല്ലാം ബാങ്കുകള്‍ എസ്എംഎസും ഇ-മെയിലുകളും അയയ്ക്കണം. മുന്നറിയിപ്പ് ഉപഭോക്താക്കളെ വഞ്ചനയില്‍ നിന്ന് സംരക്ഷിക്കും.

ലോക്കറിന്റെ വാടക
മൂന്ന് വര്‍ഷത്തേക്ക് വാടകയായി എടുക്കുന്ന ടേം ഡെപ്പോസിറ്റ്, ലോക്കര്‍ അനുവദിക്കുമ്പോള്‍ ആവശ്യപ്പെടാം. നിലവിലുള്ള ലോക്കര്‍ ഹോള്‍ഡര്‍മാരില്‍ നിന്ന് അത്തരം ടേം ഡിപ്പോസിറ്റുകള്‍ ഈടാക്കാനാകില്ല.

X
Top