ന്യൂഡൽഹി: 2022-23ൽ സമ്പാദിച്ച വരുമാനത്തിനായുള്ള 7.76 കോടി നികുതി റിട്ടേണുകൾ ഡിസംബർ 2 വരെ സമർപ്പിച്ചിട്ടുണ്ടെന്നും കൂടുതൽ ഈ മാസം അവസാനത്തോടെ ഫയൽ ചെയ്യുമെന്നും പാർലമെന്റിനെ അറിയിച്ചു. 2022-23 സാമ്പത്തിക വർഷത്തിൽ 10.09 കോടി പാൻ ഉടമകൾ 2021-22 ൽ നേടിയ വരുമാനത്തിന് നികുതി അടച്ചു.
2023 ഡിസംബർ 2 വരെ 7.76 കോടി റിട്ടേണുകൾ ഫയൽ ചെ.യ്തിട്ടുണ്ട്, അവസാന തീയതി വരെ അതായത് 2023 ഡിസംബർ 31 വരെ കൂടുതൽ റിട്ടേണുകൾ ഫയൽ ചെയ്യുമെന്ന് പ്രതീക്ഷിക്കുന്നതായി ധനകാര്യ സഹമന്ത്രി പങ്കജ് ചൗധരി രേഖാമൂലം നൽകിയ മറുപടിയിൽ പറഞ്ഞു.
2022-23-ൽ നേടിയ വരുമാനത്തിന് ആദായനികുതി റിട്ടേണുകൾ (ഐടിആർ) ഫയൽ ചെയ്യുന്നതിനുള്ള അവസാന തീയതി 2023 ജൂലൈ 31 ആയിരുന്നു. നിശ്ചിത തീയതിക്ക് ശേഷം റിട്ടേൺ ഫയൽ ചെയ്യാൻ ആഗ്രഹിക്കുന്ന അസസ്സികൾക്ക് പിഴയടച്ച് ഡിസംബർ 31-നകം അത് സമർപ്പിക്കാം.
2022-23 ലെ മൊത്തം അറ്റ പ്രത്യക്ഷ നികുതി പിരിവ് 16.63 ലക്ഷം കോടി രൂപയാണ്, അതിൽ ആദായ നികുതി പിരിവ് 8.08 ലക്ഷം കോടി രൂപയാണ്.
