കളമശ്ശേരി: രാജഗിരി കോളേജ് ഓഫ് സോഷ്യൽ സയൻസിൽ, ലൈബ്രറി ആൻഡ് ഇൻഫർമേഷൻ സയൻസ് വിഭാഗം “ഗവേഷണ സഹായത്തിന് നിർമ്മിത ബുദ്ധിയുടെ ഉപകരണങ്ങൾ”എന്ന വിഷയത്തിൽ ദേശീയ ശില്പശാല സംഘടിപ്പിച്ചു. ലൈബ്രറി സയൻസ് ഡിപ്പാർട്മെന്റിലെ അസിസ്റ്റന്റ് പ്രൊഫസർ ഡോ ബി ഇളങ്കോയുടെ നേതൃത്വത്തിൽ നടന്ന ശില്പ ശാലയിൽ കേരളത്തിനകത്തും വിവിധ സംസ്ഥാനങ്ങളിൽ നിന്നുമുള്ള ഗവേഷകർ,അധ്യാപകർ,വിദ്യാർത്ഥികൾ,ലൈബ്രറി സയൻസ് പ്രൊഫഷണലുകൾ അടങ്ങിയ അമ്പതോളം പേർ പങ്കെടുത്തു. ശില്പശാലയുടെ ഉൽഘാടനം രാജഗിരി കോളേജിന്റെ ഐ ക്യു എ സി അഡീഷനൽ കോർഡിനേറ്ററും കമ്പ്യൂട്ടർ സയൻസ് വിഭാഗത്തിന്റെ ഡീനുമായ ഡോ ബിന്ധ്യ എം വർഗ്ഗീസ് നിർവ്വഹിച്ചു. ഡോ. ജോഷി ജോർജ്ജ് പി, ലൈബ്രറി സയൻസ് മേധാവി, വിജേഷ് പി.വി, ലൈബ്രേറിയൻ, രോഷ്ണി മരിയാ ബേബി കോർഡിനേറ്റർ എന്നിവർ ഉദ്ഘാടന ചടങ്ങിൽ സംസാരിച്ചു. നിർമ്മിത ബുദ്ധി ഉപകരണങ്ങളുടെ പ്രായോഗിക പരിശീലനവും ഉണ്ടായിരുന്നു.
