ന്യൂഡല്‍ഹി: നാഷണല് ബാങ്ക് ഫോര് അഗ്രികള്ച്ചര് ആന്ഡ് റൂറല് ഡെവലപ്മെന്റിന്റെ (നബാര്ഡ്) നിര്ദ്ദിഷ്ട 3,000-5,000 കോടി രൂപ ഗ്രീന് ബോണ്ട് ഇഷ്യു ഈ സാമ്പത്തിക വര്ഷം അവസാനത്തോടെ നടക്കും. നബാര്ഡ് ചെയര്മാന് ഷാജി കെവി ദേശീയ മാധ്യമത്തെ അറിയിച്ചതാണിത്.
‘ഈ വര്ഷം അവസാനത്തോടെ ഗ്രീന് ബോണ്ടുകള്‍ പുറത്തിറക്കാന്‍ ഞങ്ങള്‍ പദ്ധതിയിടുന്നു. തുക 3,000-5,000 കോടി രൂപ വരെയാകാം. എന്നാല്‍ അതിനായി ധാരാളം ഡോക്യുമെന്റേഷനുകള്‍ ആവശ്യമാണ്,’ ഷാജി പറഞ്ഞു.
ബോണ്ടുകള്‍ എപ്പോള്‍ വിതരണം ചെയ്യുമെന്നോ സെക്യൂരിറ്റികളുടെ കാലാവധിയെക്കുറിച്ചോ നബാര്ഡ് മേധാവി വെളിപെടുത്തിയില്ല.
മൂലധന വിപണിയില്‍ നിന്ന് ഫണ്ട് സ്വരൂപിക്കാന്‍ കോര്‍പ്പറേറ്റുകളും ബാങ്കുകളും ഉപയോഗിക്കുന്ന ഡെറ്റ് ഉപകരണങ്ങളാണ് ഗ്രീന് ബോണ്ടുകള്‍. ഈ ബോണ്ടുകളിലൂടെ സമാഹരിക്കുന്ന പണം പുനരുപയോഗിക്കാവുന്നതും ഹരിതവുമായ പദ്ധതികള്‍ക്കായി വിനിയോഗിക്കും.
