മുംബൈ :റോത്ത്സ്ചൈൽഡ് ആൻഡ് കമ്പനിയുടെ കണക്കനുസരിച്ച്, അടുത്ത വർഷം കുറഞ്ഞത് 10 ബഹുരാഷ്ട്ര കമ്പനികളെങ്കിലും മുംബൈയിൽ അവരുടെ ഇന്ത്യൻ യൂണിറ്റുകൾ ലിസ്റ്റ് ചെയ്യും.
മൂല്യനിർണ്ണയങ്ങൾ കമ്പനികളെ പ്രാരംഭ പബ്ലിക് ഓഫറുകളിലേക്ക് ആകർഷിക്കുന്നുണ്ടെന്ന് റോത്ത്സ്ചൈൽഡിലെ ഗ്ലോബൽ മാർക്കറ്റ് സൊല്യൂഷൻസ് വൈസ് ചെയർ ക്ലെയർ സഡൻസ്-സ്പിയേഴ്സ് പറഞ്ഞു.
“പ്രാദേശികമായി ലിസ്റ്റ് ചെയ്യുന്നത് ദീർഘകാല പ്രതിബദ്ധതയെ സൂചിപ്പിക്കുന്നു. പങ്കാളിത്തം വർദ്ധിപ്പിക്കുന്നു,.മികച്ച മൂല്യനിർണ്ണയം നൽകുന്നതിനൊപ്പം ദൃശ്യപരത ഉയർത്തുന്നു,” സഡൻസ്-സ്പിയേഴ്സ് മുംബൈയിൽ ഒരു അഭിമുഖത്തിൽ പറഞ്ഞു.
ഈ വർഷം ഇന്ത്യയിൽ ഐപിഒകൾ ഇതിനകം ഏകദേശം 16 ബില്യൺ ഡോളർ നേടി.ആഗോള സ്ഥാപനങ്ങളുടെ പ്രാദേശിക യൂണിറ്റുകളുടേതാണ് ഇതില് വലിയൊരു പങ്ക്. ബ്ലൂംബെർഗ് സമാഹരിച്ച ഡാറ്റ പറഞ്ഞു.
3.3 ബില്യൺ ഡോളർ സമാഹരിച്ച ഹ്യുണ്ടായ് മോട്ടോർ കമ്പനിയുടെ ചുവട് പിടിച്ച് എൽജി ഇലക്ട്രോണിക്സ് ഇന്ത്യ ലിമിറ്റഡ് കഴിഞ്ഞ മാസം ഓഹരികൾ ലിസ്റ്റ് ചെയ്തു.മുംബൈയിലെ അതിന്റെ 1.3 ബില്യൺ ഡോളർ ഐപിഒയിലേക്ക് നിക്ഷേപകർ ഒഴുകി. തുടർന്നു ഓഹരി 48% ഉയർന്നു. ഇരു കമ്പനികളും ദക്ഷിണ കൊറിയ ആസ്ഥാനമായവയാണ്.
ഇന്ത്യയിലെ രണ്ടാമത്തെ വലിയ അസറ്റ് മാനേജരായ ഐസിഐസിഐ പ്രുഡൻഷ്യൽ അസറ്റ് മാനേജ്മെന്റ് കമ്പനി ഐപിഒ യ്ക്കായി റോഡ് ഷോ തുടങ്ങി. അപ്പോളോ ഗ്ലോബൽ മാനേജ്മെന്റ് ഇൻകോർപ്പറേറ്റഡ് ഓട്ടോ-പാർട്ട്സ് വിതരണക്കാരായ ടെന്നേക്കോ ഇൻകോർപ്പറേറ്റഡിന്റെ ഇന്ത്യയിലെ ബിസിനസ്സ് ലിസ്റ്റ് ചെയ്യുന്നതിനെക്കുറിച്ച് ആലോചിക്കുന്നു.
