മുംബൈ: 5 രൂപ മുഖവിലയുള്ള ഓഹരിയ്ക്ക് 0.25 പൈസ അഥവാ 5 ശതമാനം ലാഭവിഹിതം പ്രഖ്യാപിച്ചിരിക്കയാണ് സോം ഡിസ്റ്റിലറീസ് ആന്റ് ബ്ര്യൂവറീസ്. ഡിസംബര് 2 ആണ് റെക്കോര്ഡ് തീയതി. ഡിസംബര് 17 നോ മുന്പോ ലാഭവിഹിത വിതരണം പൂര്ത്തിയാക്കും.
2010 സെപ്തംബര് മുതല് ഇതുവരെ 10 ഡിവിഡന്റുകള് വിതരണം ചെയ്ത കമ്പനിയാണ് സോം ഡിസ്റ്റിലറീസ്. മാത്രമല്ല സോം ഡിസ്റ്റിലറീസ് ആന്റ് ബ്ര്യൂവറീസ് എന്ന പേര് സോം ഡിസ്റ്റിലറീസ് ബ്ര്യൂവറീസ് ആന്റ് വൈനറീസ് ലിമിറ്റഡ് എന്നപേരാക്കി മാറ്റാനും തീരുമാനമായിട്ടുണ്ട്.
കഴിഞ്ഞ ഒരു വര്ഷത്തില് 207 ശതമാനം ഉയര്ന്ന സ്റ്റോക്കാണ് കമ്പനിയുടേത്. 2022 ല് മാത്രം 190 ശതമാനം ഉയരാനുമായി.
