മുംബൈ: സ്മാര്ട്ട്ചിപ്പ് മൈക്രോ ഇലക്ട്രോണിക് കോര്പ്പറേഷനുമായി ചേര്ന്ന് സംയുക്ത സംരഭം പ്രഖ്യാപിച്ചിരിക്കയാണ് പാവന ഇന്ഡസ്ട്രീസ്. ഇതോടെ കമ്പനി ഓഹരി നിക്ഷേപ ശ്രദ്ധയാകര്ഷിക്കാനുള്ള സാധ്യതയേറി. വ്യാഴാഴ്ച ഓഹരി 2.68 ശതമാനമിടിഞ്ഞ് 407.30 രൂപയില് ക്ലോസ് ചെയ്തിരുന്നു.
ഓട്ടോമൊബൈല്, എയ്റോ, മെഡിക്കല് വ്യവസായങ്ങള്ക്കുള്ള ഇലക്ട്രോണിക് ഘടകങ്ങള് നിര്മ്മിക്കുന്ന സംയുക്ത സംരഭത്തില് 80 ശതമാനം ഓഹരികള് പാവനയും 20 ശതമാനം സ്മാര്ട്ടചിപ്പ് മൈക്രോ ഇലക്ട്രോണിക് കോര്പ്പറേഷനും കൈയ്യാളും.
സംരഭം തങ്ങളുടെ അനുബന്ധ സ്ഥാപനമായിരിക്കുമെന്നും നാല് ഡയറകടര്മാരെ തങ്ങള് നാമനിര്ദ്ദേശം ചെയ്യുമെന്നും പാവന എക്സ്ചേഞ്ച് ഫയലിംഗില് പറഞ്ഞു.
ഹ്രസ്വകാലത്തില് പാവന ഇന്ഡസ്ട്രീസ് ഓഹരി അസ്ഥിരത നേരിടുകയാണ്. കഴിഞ്ഞ 5 ട്രേഡിംഗ് സെഷനുകളില് 7 ശതമാനമുയര്ന്ന ഓഹരി പക്ഷെ ഒരു മാസത്തില് 5.68 ശതമാനം ഇടിഞ്ഞു. അതേസമയം 4 വര്ഷത്തില് 400 ശതമാനമുയര്ന്ന് നിക്ഷേപകര്ക്ക് നേട്ടം സമ്മാനിച്ചു.
