ന്യൂഡൽഹി: ഇൻഫ്‌ലെക്ഷൻ പോയിന്റ് വെഞ്ചേഴ്‌സിന്റെ നേതൃത്വത്തിലുള്ള സീഡ് ഫണ്ടിംഗ് റൗണ്ടിൽ 2.5 കോടി രൂപ സമാഹരിച്ച് ഫിൻ‌ടെക് പ്ലാറ്റ്‌ഫോമായ മണിപ്ലാൻഡ്. പ്രാരംഭ ഘട്ട സ്റ്റാർട്ടപ്പ് ആക്‌സിലറേറ്ററായ എക്‌സ്‌പെർട്ട് ഡോജോ, ഡോട്ട് ക്യാപിറ്റലിലെ പങ്കാളിയായ ജോസഫ് ആർ സാവിയാനോ, സിംഗപ്പൂരിലെ ഡിബിഎസ് ബാങ്ക്, ഡിബിഎസ് ബാങ്ക് എക്‌സിക്യൂട്ടീവ് ഡയറക്ടർ സമീർ ഖാൻ എന്നിവരും ഈ റൗണ്ടിൽ പങ്കെടുത്തു.
സമീർ ശശാങ്ക് ഗട്ടുപള്ളിയും, നിഖില പുച്ചയും ചേർന്ന് 2020 ജൂലൈയിൽ സ്ഥാപിച്ച മണിപ്ലാൻഡ്, സാമ്പത്തിക ലക്ഷ്യ ആസൂത്രണം, അസറ്റ് ക്ലാസുകളിലുടനീളം സ്വയമേവയുള്ള ഉപദേശം, ലളിതവും എളുപ്പവുമായ ഇടപാടുകൾ, സാമ്പത്തിക കാൽപ്പാടുകൾ ഏകീകരിക്കൽ തുടങ്ങിയ സേവനങ്ങൾ വാഗ്ദാനം ചെയ്യുന്ന മില്ലേനിയലുകൾക്കുള്ള ഒരു വ്യക്തിഗത ഫിനാൻസ് പ്ലാറ്റ്‌ഫോമാണ്.
മാർക്കറ്റിംഗ്, ഉപയോക്തൃ ഏറ്റെടുക്കൽ, സാങ്കേതിക അടിസ്ഥാന സൗകര്യങ്ങൾ വർദ്ധിപ്പിക്കൽ, ടെക്, ബിസിനസ് ടീമുകൾ വികസിപ്പിക്കൽ എന്നിവയ്ക്കായി ഫണ്ട് ഉപയോഗിക്കുമെന്ന് കമ്പനി അറിയിച്ചു. മണിപ്ലാൻഡ് അതിന്റെ ഉപയോക്താക്കൾക്ക് നിക്ഷേപം, വായ്പകൾ, ഇൻഷുറൻസ്, നികുതി ആസൂത്രണം എന്നിവ സുഗമമാക്കാൻ സഹായിക്കുന്നു.
നിലവിൽ 10,000 പ്രതിവാര സജീവ ഉപയോക്താക്കളും 35,000 പ്രതിമാസ സജീവ ഉപയോക്താക്കളുമുണ്ടെന്ന് കമ്പനി അവകാശപ്പെട്ടു. കൂടാതെ പ്ലാറ്റ്ഫോം സാമ്പത്തിക സ്ഥിതി വിലയിരുത്തൽ, പോർട്ട്ഫോളിയോ, ഉൽപ്പന്ന ശുപാർശ, ചെലവ്, ബജറ്റ് ഉപദേശം എന്നി സേവനങ്ങൾ നൽകുന്നു.
