നോയിഡ :മൊബൈൽ ഗെയിമിംഗ് സ്റ്റുഡിയോയായ ബ്ലാക്ക്ലൈറ്റ് ഗെയിംസ്, ഉദ്യത് ഗ്രൂപ്പ് മാനേജിംഗ് ഡയറക്ടർ ഹർഷ് ഗുപ്തയുടെ കുടുംബ സ്ഥാപനമായ ഉദ്യാത് വെഞ്ച്വേഴ്സിന്റെ നേതൃത്വത്തിലുള്ള ആദ്യ സ്ഥാപന ഫിനാൻസിംഗ് റൗണ്ടിൽ വെളിപ്പെടുത്താത്ത തുക സമാഹരിച്ചു.
മുൻ നസറ ടെക്നോളജീസ് സിഇഒ മനീഷ് അഗർവാളിന്റെ സ്റ്റാർട്ടപ്പായ ക്രാറ്റോസ് സ്റ്റുഡിയോ, പോളിഗോൺ വെഞ്ചേഴ്സ്, ഡെക്സ്റ്റർ വെഞ്ചേഴ്സ് എന്നിവയും ഫണ്ടിംഗ് റൗണ്ടിൽ പങ്കെടുത്തിട്ടുണ്ട്.
2011 ൽ അനുപം ശ്രീവാസ്തവയും ശ്രുതി സറാഫും ചേർന്ന് സ്ഥാപിച്ച ബ്ലാക്ക് ലൈറ്റ് ഗെയിംസ് മൊബൈൽ ഉപകരണങ്ങൾക്കായി സോഷ്യൽ മൾട്ടിപ്ലെയർ ഗെയിമുകൾ നിർമ്മിക്കുന്നതിൽ ശ്രദ്ധ കേന്ദ്രീകരിക്കുന്നു.മുൻനിര ഗെയിം ലുഡോ സൂപ്പർസ്റ്റാർ, ക്യാരം സൂപ്പർസ്റ്റാർ, കോൾബ്രേക്ക് സൂപ്പർസ്റ്റാർ തുടങ്ങിയ മൂന്ന് ടൈറ്റിലുകളിലായി 200 ദശലക്ഷത്തിലധികം ഡൗൺലോഡുകൾ നേടിയതായി സ്റ്റാർട്ടപ്പ് അവകാശപ്പെടുന്നു.
ബ്ലാക്ലൈറ്റ് ഗെയിംസ് പുതിയ വിപണികളിലേക്ക് വിപുലീകരിക്കുന്നതിനും പ്രതിഭകളെ നിയമിക്കുന്നതിനും ആർട്ടിഫിഷ്യൽ ഇന്റലിജൻസ്, മെഷീൻ ലേണിംഗ് എന്നിവയിൽ നിക്ഷേപിക്കുന്നതിനും വ്യക്തിഗതമാക്കലിലൂടെ കളിക്കാരുടെ അനുഭവങ്ങൾ മെച്ചപ്പെടുത്തുന്നതിനുമായി ഈ ഫണ്ട് ഉപയോഗിക്കാനാണ് ലേഖ്യമിടുന്നത്.
ഇന്ത്യൻ ഗെയിമിംഗ് ഇക്കോസിസ്റ്റം ഗണ്യമായ ഉയർച്ചയുടെ വക്കിലാണ്. ഗെയിമിംഗിൽ ആർട്ടിഫിഷ്യൽ ഇന്റലിജന്റ്സ് ,മെഷീൻ ലേർണിംഗ് എന്നിവയുടെ ഉപയോഗത്തിലൂടെ, സമാനതകളില്ലാത്ത ഗെയിമിംഗ് അനുഭവമാണ് ഞങ്ങൾ സൃഷ്ടിക്കുന്നത്,” ശ്രീവാസ്തവ പറഞ്ഞു.
വരുമാനത്തിന്റെയും ഗെയിമർമാരുടെയും കാര്യത്തിൽ ഏഷ്യയിൽ അതിവേഗം വളരുന്ന വീഡിയോ ഗെയിം വിപണിയാണ് ഇന്ത്യ. മൊബൈൽ, പിസി ഗെയിമിംഗ് വരുമാനം 2023-ൽ 868 മില്യൺ ഡോളറിലെത്തുമെന്ന് വീഡിയോ ഗെയിമുകൾ ഉൾക്കൊള്ളുന്ന മാർക്കറ്റ് റിസർച്ച് ആൻഡ് കൺസൾട്ടിംഗ് സ്ഥാപനമായ നിക്കോ പാർട്നെർസ് അഭിപ്രായപ്പെട്ടു.
