ന്യൂഡല്‍ഹി: ഇലക്ട്രോണിക്‌സ് ആന്‍ഡ് ഇന്‍ഫര്‍മേഷന്‍ ടെക്‌നോളജി മന്ത്രാലയം (MeitY) പുതിയ കൃത്രിമ ബുദ്ധി (എഐ) ഗവേണന്‍സ് മാര്‍ഗ്ഗനിര്‍ദ്ദേശങ്ങള്‍ ഔദ്യോഗികമായി പുറത്തിറക്കി. കൃത്രിമബുദ്ധിയുടെ ധാര്‍മ്മികവും ഉത്തരവാദിത്തപരവുമായ വിന്യാസത്തിനായുള്ള ദേശീയ ചട്ടക്കൂട് ഇത് രൂപപ്പെടുത്തുന്നു.
പ്രിന്‍സിപ്പല്‍ സയന്റിഫിക് അഡൈ്വസര്‍ (PSA),ഇന്ത്യ എഐ മിഷന്‍ എന്നിവ തയ്യാറാക്കിയ രേഖ, പുതിയ നിയമനിര്‍മ്മാണം അവതരിപ്പിക്കുന്നതിനുപകരം, കൂട്ടായ പ്രവര്‍ത്തനമാണ് വിഭാവനം ചെയ്യുന്നത്.നീതി, സുതാര്യത, സുരക്ഷ, ഉത്തരവാദിത്തം എന്നിവ പ്രധാന തത്വങ്ങളാണ്.
ക്രോസ്-മിനിസ്റ്റീരിയല്‍ ഏകോപനത്തിനായി ഒരു എഐ ഗവേണന്‍സ് ഗ്രൂപ്പ് (AIGG), സാങ്കേതിക, നയ നിര്‍ദ്ദേശങ്ങള്‍ക്കായി ഒരു ടെക്‌നോളജി & പോളിസി വിദഗ്ദ്ധ സമിതി (TPEC), സ്റ്റാന്‍ഡേര്‍ഡ് സെറ്റിംഗിനും റിസ്‌ക് അസസ്‌മെന്റിനുമായി ഒരു എഐ സേഫ്റ്റി ഇന്‍സ്റ്റിറ്റ്യൂട്ട് (AISI), ഡൊമെയ്ന്‍-നിര്‍ദ്ദിഷ്ട നടപ്പാക്കലിനുള്ള മേഖലാ റെഗുലേറ്റര്‍മാര്‍ എന്നിവ സ്ഥാപിക്കാനുള്ള നിര്‍ദ്ദേശങ്ങളാണ് പ്രധാനപ്പെട്ടത്.
ഭരണസമിതികള്‍ സ്ഥാപിക്കുന്നതിലും, അപകടസാധ്യത വര്‍ഗ്ഗീകരണ ചട്ടക്കൂട് വികസിപ്പിക്കുന്നതിലും, അവബോധവും ശേഷി വര്‍ദ്ധിപ്പിക്കല്‍ സംരംഭങ്ങളും സ്ഥാപിക്കുന്നതിലും മന്ത്രാലയം ശ്രദ്ധ കേന്ദ്രീകരിക്കും. എഐ ഇന്‍സിഡന്റ് റിപ്പോര്‍ട്ടിംഗ് സിസ്റ്റം പ്രവര്‍ത്തിപ്പിക്കുക, റെഗുലേറ്ററി സാന്‍ഡ്ബോക്സുകള്‍ ആരംഭിക്കുക, ഡിജിറ്റല്‍ പബ്ലിക് ഇന്‍ഫ്രാസ്ട്രക്ചറുമായി എഐ ഗവേണന്‍സ് സംയോജിപ്പിക്കുക എന്നിവയാണ് ഹ്രസ്വകാല പദ്ധതികള്‍. മേഖലാ നിയമങ്ങള്‍ തയ്യാറാക്കലും ഉത്തരവാദിത്ത മാനദണ്ഡങ്ങള്‍ പരിഷ്‌കരിക്കലും ദീര്‍ഘകാല പദ്ധതികളില്‍ ഉള്‍പ്പെടുന്നു.
എ ഐ മൂല്യ ശൃംഖലയിലുടനീളം ഉത്തരവാദിത്തം, സുതാര്യത റിപ്പോര്‍ട്ടുകള്‍ പ്രോത്സാഹിപ്പിക്കല്‍, പരാതി പരിഹാര സംവിധാനങ്ങള്‍, അനുസരണം എന്നിവ മാര്‍ഗ്ഗനിര്‍ദ്ദേശങ്ങള്‍ ആവശ്യപ്പെട്ടു. ഇന്ത്യ-നിര്‍ദ്ദിഷ്ട അപകടസാധ്യതാ വിലയിരുത്തലിനോടൊപ്പം ഉയര്‍ന്ന ആപ്ലിക്കേഷനുകള്‍ക്കായി സ്വമേധയാ ഉള്ള ‘റെഡ്-ടീമിംഗ്’, മനുഷ്യ മേല്‍നോട്ടം എന്നിവയും നിര്‍ദ്ദേശങ്ങളിലുണ്ട്.
ഇന്ത്യ ഇതുവരെ സ്വീകരിച്ചിട്ടുള്ള എഐ നയ നിലപാടുകളുടെ ഏറ്റവും സമഗ്രമായ ആവിഷ്‌കാരമാണ് പുതിയ മാര്‍ഗ്ഗനിര്‍ദ്ദേശങ്ങള്‍. പക്ഷെ ഇത്
ഉടനെയുള്ള നിയമ നിര്‍മ്മാണം ഒഴിവാക്കുന്നു.
