മുംബൈ: 2022 സെപ്റ്റംബർ പാദത്തിൽ 511 കോടി രൂപയുടെ നികുതിക്ക് ശേഷമുള്ള (PAT) ലാഭം രേഖപ്പെടുത്തി ഹോസ്പിറ്റൽ ശൃംഖലയായ മാക്‌സ് ഹെൽത്ത്‌കെയർ. സാകേത് സിറ്റി ഹോസ്പിറ്റലിന്റെ ലിക്വിഡേഷനുമായി ബന്ധപ്പെട്ട് ലഭിച്ച 244 കോടി രൂപയുടെ ഒറ്റത്തവണ നേട്ടം ഈ പാദത്തിലെ അറ്റാദായത്തിൽ ഉൾപ്പെടുന്നു.
ഒറ്റത്തവണ നേട്ടം ഒഴികെയുള്ള കമ്പനിയുടെ അറ്റാദായം 267 കോടി രൂപയാണ്. അതേപോലെ പ്രസ്തുത പാദത്തിൽ കമ്പനിയുടെ വരുമാനം 17 ശതമാനം ഉയർന്ന് 1567 കോടി രൂപയായി വർധിച്ചു. 2021 സെപ്റ്റംബർ പാദത്തിലെ 362 കോടിയുമായി താരതമ്യപ്പെടുത്തുമ്പോൾ 410 കോടി രൂപയാണ് ഈ പാദത്തിലെ ഇബിഐടിഡിഎ.
മെച്ചപ്പെട്ട പേയർ മിക്‌സ്, ഔട്ട്‌പേഷ്യന്റ് ഡിപ്പാർട്ട്‌മെന്റിലെ വർദ്ധിപ്പിച്ച എആർആർ എന്നിവയാണ് വരുമാനത്തിലെയും ഇബിഐടിഡിഎയിലെയും വളർച്ചയെ നയിച്ചതെന്ന് കമ്പനി അറിയിച്ചു. ഈ പാദത്തിലെ ബെഡ് ഒക്യുപൻസി 78% ആയിരുന്നു.
