മുംബൈ: ഇന്ത്യയിലെ പൊതുഗതാഗത വിഭാഗം ബദൽ ഇന്ധനത്തിലേക്ക് മാറിക്കൊണ്ടിരിക്കുന്നതിനാൽ ചെന്നൈയ്ക്ക് സമീപം ഒരു ഹൈഡ്രജൻ ഇന്ധന സെൽ ബസ് ഫാക്ടറി സ്ഥാപിക്കാൻ മല്ലാവ വെഞ്ചേഴ്സ് പദ്ധതിയിടുന്നു. പുനരുപയോഗ ഉർജ്ജ വിഭാഗത്തിൽ സേവനങ്ങളും പരിഹാരങ്ങളും നൽകുന്നതിൽ വൈദഗ്ദ്ധ്യമുള്ള ചിക്കാഗോ ആസ്ഥാനമായുള്ള പ്രാരംഭ ഘട്ട സാങ്കേതിക സേവന കമ്പനിയാണിത്.
പദ്ധതി പ്രകാരം കമ്പനി ചെന്നൈയ്ക്ക് സമീപം ബസ് നിർമാണ ഫാക്ടറിയും ഹൈഡ്രജൻ പ്ലാന്റും സ്ഥാപിക്കും. നിർദിഷ്ട ഫാക്ടറിക്ക് പ്രതിമാസം 100 യൂണിറ്റ് ശേഷി പ്രതീക്ഷിക്കുന്നു. അടുത്ത 8 വർഷത്തിനുള്ളിൽ ഏകദേശം 8,000 കോടി രൂപയുടെ നിക്ഷേപമാണ് കമ്പനി ആസൂത്രണം ചെയ്തിരിക്കുന്നത്.
2016-ൽ ഇലക്ട്രിക് ഇരുചക്ര വാഹനങ്ങൾ പുറത്തിറക്കി കൊണ്ട് യുഎസ് കമ്പനി അതിന്റെ ഇവി യാത്ര ആരംഭിച്ചു. നിലവിൽ ചെന്നൈയ്ക്ക് സമീപം നിർദിഷ്ട ഫാക്ടറിക്കായി ഒരു സ്ഥലം കണ്ടെത്തുന്ന പ്രക്രിയയിലാണ് കമ്പനി. അടുത്ത 9-12 മാസത്തിനുള്ളിൽ അതിന്റെ ആദ്യ ഉൽപ്പന്നം പുറത്തിറക്കാൻ മല്ലവ വെഞ്ചേഴ്സ് പദ്ധതിയിടുന്നു.
കമ്പനിയുടെ ഹൈഡ്രജനിൽ പ്രവർത്തിക്കുന്ന 12 മീറ്റർ ബസുകൾ 400 എംഎം, 650 എംഎം, 800 എംഎം എന്നിങ്ങനെ മൂന്ന് വേരിയന്റുകളിൽ അവതരിപ്പിക്കും. ഈ ബസുകളുടെ വില 1.85-2.3 കോടി രൂപ ആയിരിക്കും. 10 മിനിറ്റിനുള്ളിൽ പൂർണമായി ഇന്ധനം നിറയ്ക്കാനാകും എന്നതാണ് ഈ ബസുകളുടെ പ്രത്യേകത.
