ഡിജിറ്റല്‍ വായ്പ വിതരണം 3 വര്‍ഷത്തില്‍ വളര്‍ന്നത് 12 മടങ്ങ്വിദേശ വ്യാപാര നയം 2023 അവതരിപ്പിച്ചു, 5 വര്‍ഷ സമയപരിധി ഒഴിവാക്കി5 വന്‍കിട വ്യവസായ ഗ്രൂപ്പുകളെ വിഭജിക്കണമെന്ന നിര്‍ദ്ദേശവുമായി മുന്‍ ആര്‍ബിഐ ഗവര്‍ണര്‍കയറ്റുമതി റെക്കാഡ് നേട്ടം കൈവരിക്കുമെന്ന് മന്ത്രി പിയൂഷ് ഗോയൽഒന്നിലധികം ഇഎസ്ജി സ്‌ക്കീമുകള്‍ ആരംഭിക്കാന്‍ മ്യൂച്വല്‍ ഫണ്ടുകള്‍ക്ക് അനുമതി

വെബ്സീരീസുകളുടെ നിർമാണത്തിലേക്ക് മലയാളം ടെലിവിഷൻ ചാനലുകൾ

കൊച്ചി: മലയാള ടെലിവിഷനിൽ സീരിയൽ കാലം കടന്ന് സീരീസ് കാലം. അന്യഭാഷാ വെബ്സീരീസുകൾക്കുള്ള ജനപ്രീതിയുടെ ചുവടുപിടിച്ച് മലയാളത്തിലും സീരീസ് നിർമാണത്തിലേയ്ക്ക് കടക്കുകയാണ് പ്രമുഖ ടെലിവിഷൻ ചാനലുകൾ. 5 കോടി രൂപ മുതൽ 12 കോടി വരെ ചെലവിൽ വെബ്സീരീസുകൾ നിർമിക്കാനുള്ള പദ്ധതികൾ മലയാളത്തിലെ പ്രമുഖ സംവിധായകർക്ക് ഒരു ചാനൽ നൽകിക്കഴിഞ്ഞു.

ചിലത് നിർമാണത്തിന്റെ അവസാനഘട്ടത്തിലാണ്. കോവിഡ് കാലത്ത് മലയാള സിനിമ അഖിലേന്ത്യാതലത്തിൽ ഒടിടിയിൽ നേടിയ സ്വീകാര്യതയും സീരീസുകളിൽ പണം മുടക്കാൻ ചാനലുകൾക്ക് ധൈര്യം നൽകി. മലയാളം ‘ ഒറിജിനൽസിന് ’ മറുനാട്ടിലും ലഭിക്കുന്ന സ്വീകാര്യതയാകും സീരീസുകളുടെ ഭാവി നിർണയിക്കുക.

രണ്ടാം സീസൺ ചെയ്യാനുള്ള സാധ്യത തുറന്നിട്ട് തിരക്കഥകൾ സമർപ്പിക്കാനാണ് സംവിധായകരോട് ചാനലുകൾ നിർദേശിച്ചിരിക്കുന്നത്. മലയാളത്തിൽ ഹിറ്റുകളൊരുക്കിയ യുവ സംവിധായകരാണ് ആദ്യ ഘട്ടത്തിൽ സീരീസുകൾ ചെയ്യുന്നത്. തുടക്കത്തിൽ സീരീസുകളിൽ നിന്ന് അകന്നു നിന്ന താരങ്ങളിൽപ്പലരും പുതിയ പ്രോജക്ടുകളിൽ സഹകരിക്കുന്നുണ്ട്. തുടക്കത്തിൽ  മലയാളത്തിലെ പ്രമുഖ നിർമാണക്കമ്പനികൾക്കാണ് നിർമാണച്ചുമതല. അംഗീകാരം ലഭിച്ച പ്രോജക്ടുകൾക്ക് ചാനലുകൾ തന്നെ പണം മുടക്കും.

X
Top