ന്യൂഡൽഹി: 3, 5 വർഷ കാലാവധിയുള്ള വാഹന ഇൻഷുറൻസിന് കരടുനിർദേശവുമായി ഐആർഡിഎഐ(ഇൻഷുറൻസ് റഗുലേറ്ററി ആൻഡ് ഡവലപ്മെന്റ് അതോറിറ്റി ഓഫ് ഇന്ത്യ).
ഇരുചക്രവാഹനങ്ങൾക്ക് 5 വർഷവും, കാറുകൾക്ക് 3 വർഷവും കാലാവധിയുള്ള തേഡ് പാർട്ടി, ഓൺ ഡാമേജ് കവറേജുകൾ അവതരിപ്പിക്കാനാണ് നിർദേശം. പ്രീമിയം ഒന്നിച്ച് അടയ്ക്കണം.
നോ ക്ലെയിം ബോണസ് ആനുകൂല്യവും ഈ ദീർഘകാല ഇൻഷുറൻസുകൾക്ക് നൽകാൻ വ്യവസ്ഥയുണ്ട്. പാർപ്പിടങ്ങൾക്ക് 30 വർഷം വരെ കാലാവധിയുള്ള ഇൻഷുറൻസും നിർദേശിച്ചിരിക്കുന്നു.
