കൊച്ചി: മുഖ്യമന്ത്രിയുടെ സംരംഭകത്വ വികസന പദ്ധതിയുടെ (CMEDP) ഉയർന്ന വായ്പപരിധി രണ്ടു കോടി രൂപയാക്കി ഉയർത്തി. ഇതിലൂടെ സംസ്ഥാനത്തെ ചെറുകിട സംരംഭങ്ങൾക്ക് 5% പലിശ നിരക്കിൽ 2 കോടി വരെ ലഭ്യമാകും. സർക്കാരിന്റെ 3%, കെഎഫ്സിയുടെ 2% എന്നിവ ചേർത്താണ് 5% പലിശ നിരക്കിൽ വായ്പ നൽകുന്നത്.
മുഖ്യമന്ത്രിയുടെ സംരംഭകത്വ വികസന പദ്ധതിയിൽ ഇതുവരെ 2122 യൂണിറ്റുകൾക്ക് വായ്പ നൽകി. ഒരു വർഷം 500 സംരംഭങ്ങൾ എന്ന നിരക്കിൽ അഞ്ച് വർഷത്തിനുള്ളിൽ 2500 സംരംഭങ്ങൾക്ക് വായ്പ നൽകുകയാണു ലക്ഷ്യം.
പദ്ധതി തുകയുടെ 90% വരെ കിട്ടും. 10 വർഷം വരെ തിരിച്ചടവ് കാലാവധി ലഭ്യമാണെങ്കിലും പലിശയുടെ ആനുകൂല്യം ആദ്യ 5 വർഷത്തേക്ക് മാത്രം.
