തിരുവനന്തപുരം: കേരളം 3742 കോടിരൂപ കൂടി കടമെടുക്കുന്നു. കടപ്പത്രങ്ങളുടെ ലേലം 19-ന് നടക്കും. ചൊവ്വാഴ്ച 5000 കോടി കടമെടുത്തിരുന്നു.
സാമ്പത്തികപ്രതിസന്ധിക്ക് നേരിയ അയവുവന്നതിനാല് ട്രഷറിയില് പിടിച്ചുവെച്ചിരുന്ന ജനുവരിവരെയുള്ള ബില്ലുകള് മാറിനല്കാന് ധനമന്ത്രി കെ.എന്. ബാലഗോപാല് നിര്ദേശം നല്കി.
ഡിസംബര്, ജനുവരി മാസങ്ങളിലെ ബില്ലുകളിലായി 1303 കോടിരൂപയാണ് മാറുന്നത്. തദ്ദേശസ്ഥാപനങ്ങളുടേതടക്കം എല്ലാ ബില്ലുകളും മുന്ഗണനാക്രമത്തില് മാറുമെന്നും മന്ത്രി അറിയിച്ചു.
സുപ്രീംകോടതി നിര്ദേശപ്രകാരം 13,608 കോടിരൂപ കടമെടുക്കാന് കേന്ദ്രം അനുവദിച്ചിരുന്നു. ഇതില് 8742 കോടിക്ക് അന്തിമാനുമതി കിട്ടി. 5000 കോടി എടുത്തു.
