നടപ്പ് സാമ്പത്തിക വര്‍ഷത്തിന്റെ ആദ്യ പകുതിയില്‍ 24 രാജ്യങ്ങളിലേയ്ക്കുള്ള കയറ്റുമതി പോസിറ്റീവ് വളര്‍ച്ച രേഖപ്പെടുത്തിറഷ്യന്‍ എണ്ണ വാങ്ങുന്നത് നിര്‍ത്താതെ ഇന്ത്യയ്ക്ക് തീരുവ ഇളവില്ല: ട്രംപ്ട്രംപ് തീരുവ ഇന്ത്യയുടെ തൊഴിലധിഷ്ഠിത മേഖലകളെ ബാധിക്കുന്നു, കരുത്തുകാട്ടി സമുദ്രോത്പന്ന മേഖലഗാര്‍ഹിക വരുമാന സര്‍വ്വേയ്‌ക്കൊരുങ്ങി കേന്ദ്രസര്‍ക്കാര്‍, അഞ്ച് പതിറ്റാനിടയില്‍ ആദ്യംഫിന്‍ടെക്ക് മേഖലയെ ട്രാക്ക് ചെയ്യാന്‍ പുതിയ ക്ലാസിഫിക്കേഷന്‍ കോഡ്

ഏകീകൃത നികുതിയ്ക്ക് ശേഷമുള്ള ലാഭം 10 ശതമാനം ഉയര്‍ത്തി കല്യാണ്‍ ജ്വല്ലേഴ്‌സ്

ന്യൂഡല്‍ഹി: നികുതിക്ക് ശേഷമുള്ള ഏകീകൃത ലാഭത്തില്‍ (PAT) 10.34 ശതമാനം വളര്‍ച്ച രേഖപ്പെടുത്തിയിരിക്കയാണ് കല്യാണ്‍ ജ്വല്ലേഴ്‌സ്. 148.43 കോടി രൂപയാണ് കമ്പനിയുടെ മൂന്നാംപാദ ലാഭം. മുന്‍വര്‍ഷത്തെ സമാന പാദത്തില്‍ ഇത് 134.52 കോടി രൂപയായിരുന്നു.

ഏകീകൃത വരുമാനം 13.06 ശതമാനം വളര്‍ന്ന് 3,884.09 കോടി രൂപയായി. ഇന്ത്യന്‍ ഓപ്പറേഷന്‍സ് രേഖപ്പെടുത്തിയ ഇബിറ്റ 276 കോടി രൂപ. മുന്‍ വര്‍ഷം ഇതേ കാലയളവില്‍ ഇത് 253 കോടി രൂപയായിരുന്നു.

ഇ-കൊമേഴ്സ് വിഭാഗമായ കാന്‍ഡറെ 44 കോടി രൂപ വരുമാനം രേഖപ്പെടുത്തി. ഒരു വര്‍ഷം മുമ്പത്തേത് 47 കോടി രൂപ. മിഡില്‍ ഈസ്റ്റ് പ്രവര്‍ത്തനങ്ങളില്‍ നിന്നുള്ള മൊത്ത വരുമാനം24 ശതമാനം വര്‍ധിച്ച് 641 കോടി രൂപയായി. മുന്‍ വര്‍ഷത്തെ സമാനപാദത്തില്‍ 515 കോടി രൂപയായിരുന്നു ഇത്.

മൊത്തത്തിലുള്ള ഏകീകൃത വരുമാനത്തില്‍ മിഡില്‍ ഈസ്റ്റ് സംഭാവന 16.5 ശതമാനമാണ്. വിവാഹ സീസണിലെ ഡിമാന്‍ഡ് കാരണം എല്ലാ വിപണികളിലും ശക്തമായ മുന്നേറ്റമാണ് കാണുന്നത്,’ കല്യാണ് ജ്വല്ലേഴ്സ് ഇന്ത്യ എക്സിക്യൂട്ടീവ് ഡയറക്ടര്‍ രമേഷ് കല്യാണരാമന്‍ പറയുന്നു. 2023 ല്‍ 52 പുതിയ ഷോറൂമുകള്‍ തുറക്കുമെന്ന് കമ്പനി അറിയിച്ചിട്ടുണ്ട്.

X
Top