മുംബൈ: കമ്പനിയുടെ സിമന്റ് ബിസിനസ്സ് വിറ്റഴിക്കാൻ ഒരുങ്ങി ജയപ്രകാശ് അസോസിയേറ്റ്സ്. സ്ഥാപനത്തിന്റെ ഈ അറിയിപ്പിനെ തുടർന്ന് ജയപ്രകാശ് അസോസിയേറ്റ്സ് ഓഹരി 5.79 ശതമാനം ഉയർന്ന് 11.32 രൂപയിലെത്തി.
കടം കുറയ്ക്കുന്നതിനുള്ള നിരന്തരമായ ശ്രമങ്ങൾക്ക് ഊന്നൽ നൽകുന്നതിനായി, കമ്പനിയുടെ പ്രധാനപ്പെട്ട ബിസിനസ് വിഭാഗമായ സിമന്റ് ബിസിനസ്സിന്റെ മുഴുവൻ ഓഹരികളും വിറ്റഴിക്കാൻ 2022 ഒക്ടോബർ 10 ന് ചേർന്ന ഡയറക്ടർ ബോർഡ് യോഗം തീരുമാനിച്ചതായി ജയപ്രകാശ് അസോസിയേറ്റ്സ് റെഗുലേറ്ററി ഫയലിംഗിൽ അറിയിച്ചു.
എൻജിനീയറിങ് & കൺസ്ട്രക്ഷൻ, സിമന്റ്, പവർ, റിയൽ എസ്റ്റേറ്റ്, എക്സ്പ്രസ് വേകൾ, വളം, ഹോസ്പിറ്റാലിറ്റി, ഹെൽത്ത് കെയർ, സ്പോർട്സ്, ഇൻഫർമേഷൻ ടെക്നോളജി എന്നിവയിൽ ബിസിനസ് താൽപ്പര്യങ്ങളുള്ള വൈവിധ്യമാർന്ന ഇൻഫ്രാസ്ട്രക്ചർ കൂട്ടായ്മയാണ് ജെപി ഗ്രൂപ്പ്.
