ന്യൂഡല്‍ഹി: 6 ലക്ഷം കോടി രൂപയുടെ വിപണി മൂല്യം നേടുന്ന ഏഴാമത്തെ ഇന്ത്യന്‍ കമ്പനിയായിരിക്കയാണ് ഐടിസി. ഈ വര്‍ഷം ഇതുവരെ 48 ശതമാനം നേട്ടമാണ് ഓഹരി സ്വന്തമാക്കിയത്.
റിലയന്‍സ് ഇന്‍ഡസ്ട്രീസ്, ടാറ്റ കണ്‍സള്‍ട്ടന്‍സി സര്‍വീസസ്, എച്ച്ഡിഎഫ്‌സി ബാങ്ക്, ഐസിഐസിഐ ബാങ്ക്, ഹിന്ദുസ്ഥാന്‍ യൂണിലിവര്‍, ഇന്‍ഫോസിസ് എന്നിവയാണ് നേരത്തെ ഈ നേട്ടം കൈവരിച്ചത്.
ഐടിസി ഓഹരി വില, വ്യാഴാഴ്ച 492 രൂപ എന്ന റെക്കോര്‍ഡ് ഉയരത്തിലെത്തി.ഇന്‍ട്രാഡേയില്‍ രണ്ട് ശതമാനം നേട്ടം കൈവരിച്ചതോടെയാണിത്. 487 രൂപയിലാണ് ഓഹരി വ്യാപാരം ആരംഭിച്ചത്.
3 ശതമാനത്തോളം നേട്ടമാണ് സ്‌റ്റോക്ക് രേഖപ്പെടുത്തിയത്. സിഗരറ്റ്, എഫ്എംസിജി, പേപ്പര്‍, ഹോട്ടലുകള്‍ എന്നിവയുള്‍പ്പെടെ എല്ലാ ബിസിനസ്സ് വിഭാഗങ്ങളിലേയും ശ്രദ്ധേയമായ പ്രകടനമാണ് ഓഹരിയെ ആകര്‍ഷകമാക്കിയത്.
സുസ്ഥിരമായ പണമൊഴുക്കും സ്ഥിരമായ ലാഭവിഹിതവും കാരണം നിക്ഷേപകര്‍ ഐടിസിയെ പ്രധാന ഓപ്ഷനായി കാണുന്നു.
