Alt Image
ആപ്പിള്‍ എയര്‍പോഡ്‌സിനുള്ള ഘടകങ്ങള്‍ ഇനി ഇന്ത്യയില്‍ നിന്നുംവിദേശ നാണ്യ ശേഖരം തുടര്‍ച്ചയായ രണ്ടാം ആഴ്ചയും ഉയര്‍ന്നു25 ബേസിസ് പോയിന്റ് നിരക്ക് വര്‍ധന പ്രതീക്ഷിച്ച് റോയിട്ടേഴ്‌സ് പോള്‍കേന്ദ്ര ഇടപെടൽ: ഗോതമ്പിന്റെ മൊത്തവില കുറയുന്നുകേന്ദ്ര ബഡ്‌ജറ്റ് 2023-24: ഇളവുകൾ ഉന്നമിട്ട് ആദായനികുതി

ഇന്ത്യ വികസിത രാജ്യമാകാന്‍ ചുരുങ്ങിയത് 20 വര്‍ഷമെടുക്കും: മുന്‍ ആര്‍ബിഐ മേധാവി സി രംഗരാജന്‍

ന്യൂഡല്‍ഹി: 5 ട്രില്യണ്‍ ഡോളര്‍ സമ്പദ്വ്യവസ്ഥയെന്ന നേട്ടം ഹ്രസ്വകാലത്തില്‍ കൈവരിക്കാനാകുമെങ്കിലും ഒരു വികസിത രാജ്യമായി മാറാന്‍ ഇന്ത്യ കാത്തിരിക്കേണ്ടിവരുമെന്ന് മുന്‍ ആര്‍ബിഐ ഗവര്‍ണര്‍ സി രംഗരാജന്‍. ചുരുങ്ങിയത് രണ്ട് ദശാബ്ദക്കാലത്തിന് ശേഷം മാത്രമേ ഇന്ത്യ വികസിത രാഷ്ട്രമാകൂ.

അതുവരെ ഉയര്‍ന്ന ഇടത്തരം വരുമാന രാജ്യമായി തുടരും. 3472 ഡോളറായിരിക്കും ഈ കാലയളവില്‍ പ്രതിശീര്‍ഷ വരുമാനം.അതേസമയം വികസിത രാഷ്ട്രമാകുന്നതോടെ വരുമാനം 13,205 യു.എസ് ഡോളറായി വര്‍ധിക്കും.

തുടര്‍ച്ചയായി 8-9 ശതമാനം വളര്‍ച്ച കൈവരിക്കുമ്പോഴുള്ള അനുമാനമാണ് ഇത്.മൊത്തം ഉല്‍പ്പാദന നിലവാരത്തില്‍, ഇന്ത്യ ഇപ്പോള്‍ ലോകത്തിലെ അഞ്ചാമത്തെ വലിയ സമ്പദ്വ്യവസ്ഥയാണ്. അത് ശ്രദ്ധേയമായ നേട്ടവുമാണ്.

എന്നാല്‍ പ്രതിശീര്‍ഷ വരുമാനത്തിന്റെ കാര്യത്തില്‍ ഇന്ത്യയുടെ റാങ്ക് 142 ആണെന്ന് രംഗരാജന്‍ ചൂണ്ടിക്കാട്ടി. വളര്‍ച്ചാ നിരക്ക് ഉയര്‍ത്തുക എന്നതിലായിരിക്കണം അടിയന്തര ശ്രദ്ധ. 5 ട്രില്യണ്‍ ഡോളര്‍ സമ്പദ്വ്യവസ്ഥയുടെ നേട്ടം നല്ല ഹ്രസ്വകാല ലക്ഷ്യമാണ്.

9 ശതമാനം സുസ്ഥിരമായ വളര്‍ച്ച കൈവരിക്കാന്‍്കുറഞ്ഞത് അഞ്ച് വര്‍ഷമെടുക്കും. പ്രതിശീര്‍ഷ വരുമാനം അപ്പോഴും, 3472 ഡോളര്‍ മാത്രമായിരിക്കും. താഴ്ന്ന ഇടത്തരം വരുമാനമുള്ള രാജ്യമായി ഇന്ത്യ വര്‍ഗ്ഗീകരിക്കപ്പെടും, അദ്ദേഹം ചൂണ്ടിക്കാട്ടി.

X
Top