കൊച്ചി: ഫ്ളോട്ടിങ് നിരക്കില്‍ വായ്പ എടുത്തവരെ പലിശ നിരക്ക് വര്‍ധിക്കുന്നതും കുറയുന്നതും ബാങ്ക് അറിയിക്കേണ്ട ആവശ്യമില്ലെന്ന് ദേശീയ ഉപഭോക്തൃ തര്‍ക്ക പരിഹാര കമ്മീഷന്‍ (എന്‍സിഡിആര്‍സി) നിരീക്ഷിച്ചു.
ഐസിഐസിഐ ബാങ്കും ഉപഭോക്താവും തമ്മിലുള്ള ഒരു തര്‍ക്കത്തിലെ അടുത്ത കാലത്തുണ്ടായ വിധിയിലാണ് കമ്മീഷന്‍ ഇക്കാര്യം വ്യക്തമാക്കിയത്.
ഫ്ളോട്ടിങ് നിരക്കില്‍ വായ്പ എടുക്കുമ്പോള്‍ ഉണ്ടാക്കുന്ന ധാരണയുടെ അടിസ്ഥാനത്തില്‍ ബാങ്കിന് പലിശ വര്‍ധിപ്പിക്കുകയും കുറക്കുകയും ചെയ്യാം.
ഇതിന് തുടര്‍ന്നുള്ള അനുമതിയുടെ ആവശ്യമില്ലെന്നും ഇക്കാര്യം വായ്പാ ധാരണയില്‍ തന്നെ സമ്മതിച്ചിട്ടുള്ളതാണെന്നും കമ്മീഷന്‍ ചൂണ്ടിക്കാട്ടി.
