കൊച്ചി: രാജ്യത്തെ വ്യാവസായിക ഉത്പാദന സൂചിക ഫെബ്രുവരിയില് 5.2 ശതമാനം വളർച്ച കൈവരിച്ചു. മാനുഫാക്ചറിംഗ്, ഖനന, വൈദ്യുതി മേഖലകളിലെ ഉണർവാണ് കരുത്തായത്.
മുൻവർഷം ഫെബ്രുവരിയില് വ്യാവസായിക ഉത്പാദനത്തില് 2.7 ശതമാനം വളർച്ചയുണ്ടായിരുന്നു.
മാനുഫാക്ചറിംഗ് രംഗത്ത് അവലോകന കാലയളവില് 6 ശതമാനം ഉത്പാദനം ഉയർന്നു. ഖനന രംഗത്ത് 3.1 ശതമാനവും വൈദ്യുതി ഉത്പാദനത്തില് 2.3 ശതമാനവും വളർച്ച നേടി.
