കൊച്ചി: ഇന്ത്യയുടെ വ്യാവസായിക ഉത്പാദനം നവംബറില് ആറ് മാസത്തെ ഉയർന്ന തലമായ 5.2 ശതമാനത്തിലെത്തി. കണ്സ്യൂമർ ഡ്യൂറബിള്സ്, കാപ്പിറ്റല് ഗുഡ്സ് എന്നിവയുടെ ഉത്പാദനത്തിലെ ഉണർവാണ് ആശ്വാസമായത്.
മൊത്തം ആഭ്യന്തര ഉത്പാദനത്തില് 17 ശതമാനം വിഹിതമുള്ള മാനുഫാക്ചറിംഗ് രംഗത്ത് 5.8 ശതമാനം വളർച്ചയുണ്ടായി. വൈദ്യുതിയില് 4.4 ശതമാനവും ഖനന രംഗത്ത് 1.9 ശതമാനവും വളർച്ച നേടി.
ഗ്യഹോപകരണങ്ങളും വാഹനങ്ങളും അടങ്ങുന്ന കണ്സ്യൂമർ ഡ്യൂറബിള്സ് രംഗത്ത് 13.1 ശതമാനം ഉത്പാദന വർദ്ധനയുണ്ടായി. മാനുഫാക്ചറിംഗ് പ്ളാന്റ്സ്, മെഷീനറി എന്നിവ അടങ്ങിയ കാപ്പിറ്റല് ഗുഡ്സ് എന്നിവയിലെ ഉത്പാദന വളർച്ച ഒൻപത് ശതമാനമാണ്.
ഏപ്രില് മുതല് നവംബർ വരെയുള്ള എട്ട് മാസത്തില് വ്യാവസായിക ഉത്പാദന സൂചികയില് 4.1 ശതമാനം വളർച്ചയുണ്ടായി.
നവംബർ, ഡിസംബർ കാലയളവിലെ ഉത്സവ ഉപഭോഗം മെച്ചപ്പെട്ടതാണ് വ്യാവസായിക ഉത്പാദനം കൂടാൻ സഹായിച്ചത്.
