ന്യൂഡല്ഹി: 2022-2023 സാമ്പത്തിക വര്ഷത്തില് ഇന്ത്യ 15,920 കോടി രൂപയുടെ റെക്കോര്ഡ് പ്രതിരോധ കയറ്റുമതി നടത്തി. പ്രതിരോധ മന്ത്രി രാജ്നാഥ് സിംഗ് അറിയിച്ചതാണിത്. 2021-22 സാമ്പത്തികവര്ഷത്തില് പ്രതിരോധ കയറ്റുമതി 12814 കോടി രൂപയായിരുന്നു.
നേട്ടം ശ്രദ്ധേയമാണെന്നും വരും വര്ഷങ്ങളിലും കയറ്റുമതി ഉയരുമെന്നും മന്ത്രി അറിയിക്കുന്നു. 2020-21 ല് 8,434 കോടി രൂപയുടെയും 2019-20 ല് 9,115 കോടി രൂപയുടെയും 2018-19 ല് 10,745 കോടി രൂപയുടെയും സൈനിക ഹാര്ഡ്വെയറുകള് വില്പന നടത്താനുമായി. 2017-18ല് ഹാര്ഡ് വെയര് കയറ്റുമതി 4,682 കോടി രൂപയും 2016-17ല് 1,521 കോടി രൂപയുമായിരുന്നു.
1,75,000 കോടി രൂപയുടെ പ്രതിരോധ ഹാര്ഡ്വെയര് നിര്മ്മിക്കാനും 2024-25 ഓടെ കയറ്റുമതി 35,000 കോടി രൂപയായി ഉയര്ത്താനും സര്ക്കാര് ലക്ഷ്യമിടുന്നു. ആഭ്യന്തര പ്രതിരോധ ഉല്പാദനം പ്രോത്സാഹിപ്പിക്കുന്നതിന് നിരവധി നടപടികളാണ് കഴിഞ്ഞ കുറച്ച് വര്ഷങ്ങളായി സര്ക്കാര് കൈക്കൊള്ളുന്നത്.
