മുംബൈ: ഇൻക്രെഡ് അസറ്റ് മാനേജ്മെന്റ് അതിന്റെ ആദ്യ ക്രെഡിറ്റ് ഫണ്ടായ ഇൻക്രെഡ് ക്രെഡിറ്റ് ഓപ്പർച്യുണിറ്റീസ് ഫണ്ടിനായി (ഐസിഒഎഫ്-ഐ) വലിയ ഫാമിലി ഓഫീസുകളിൽ നിന്നും ഉയർന്ന മൂല്യമുള്ള വ്യക്തികളിൽ നിന്നും 300 കോടി രൂപ സമാഹരിച്ചു.
ഇൻക്രെഡിൽ നിന്നുള്ള ആദ്യ ബദൽ ഓഫറാണ് ഐസിഒഎഫ്-ഐ, ഇത് വളർന്നുവരുന്ന കോർപ്പറേറ്റുകൾക്കും ധനകാര്യ സ്ഥാപനങ്ങൾക്കും സുരക്ഷിതമായ ഡെറ്റ് ഫിനാൻസിങ് നൽകും. അവതരിപ്പിച്ച് മൂന്ന് മാസത്തിനുള്ളിൽ ഫണ്ട് 60 ശതമാനം സബ്സ്ക്രിപ്ഷൻ കടന്നതായി കമ്പനി അറിയിച്ചു.
ഈ ഫണ്ട് 16-18% നിരക്കിൽ 20-25 ഡെറ്റ് നിക്ഷേപങ്ങൾ നടത്തുമെന്ന് പ്രതീക്ഷിക്കുന്നു. അസ്ഥിരമായ ഇക്വിറ്റി വിപണിയുടെ പശ്ചാത്തലത്തിൽ ഇത് നിക്ഷേപകർക്ക് ഒരു ഇതര നിക്ഷേപ ഉൽപ്പന്നം വാഗ്ദാനം ചെയ്യുന്നതായി ഇൻക്രെഡ് അസറ്റ് മാനേജ്മെന്റ് അറിയിച്ചു.
