മുംബൈ: സ്വകാര്യ നിക്ഷേപകരിൽ നിന്ന് 60 മില്യൺ ഡോളർ (രൂപ 500 കോടി) സമാഹരിച്ച് വെയറബിൾസ് സ്റ്റാർട്ടപ്പായ ഇമാജിൻ മാർക്കറ്റിംഗ്. സ്റ്റാർട്ടപ്പ് ബോട്ട് എന്ന ബ്രാൻഡ് നാമത്തിൽ സ്മാർട്ട് വാച്ചുകളും ഓഡിയോ ഗിയറുകളും നിർമ്മിക്കുകയും വിപണനം ചെയ്യുകയും ചെയ്യുന്നു.
നിലവിലെ നിക്ഷേപകരായ വാർബർഗ് പിൻകസിൽ നിന്നും പുതിയ നിക്ഷേപകനായ മലബാർ ഇൻവെസ്റ്റ്ന്റിൽ നിന്നുമാണ് സ്റ്റാർട്ടപ്പ് മൂലധനം സമാഹരിച്ചത്. വാർബർഗ് പിൻകസ് അതിന്റെ അനുബന്ധ സ്ഥാപനമായ സൗത്ത് ലേക്ക് ഇൻവെസ്റ്റ്മെന്റ് വഴി കമ്പനിയുടെ മുൻഗണനാ ഓഹരികളുടെ സ്വകാര്യ പ്ലെയ്സ്മെന്റിൽ നിക്ഷേപിച്ചു.
ഇമാജിൻ മാർക്കറ്റിംഗിന്റെ നിലവിലെ മൂല്യം ഏകദേശം 1.4 ബില്യൺ ഡോളറാണ്. കമ്പനി അതിന്റെ സ്മാർട്ട് വാച്ച് വിഭാഗം വിപുലീകരിക്കുന്നതിനും ഇന്ത്യയിലും വിദേശത്തുമുള്ള വിപണികളിൽ ബിസിനസ്സ് വർദ്ധിപ്പിക്കുന്നതിനും ഫണ്ടുകൾ ഉപയോഗിക്കാൻ പദ്ധതിയിടുന്നു. കൂടാതെ അതിന്റെ ഗവേഷണ-രൂപകൽപ്പന കഴിവുകൾ വർദ്ധിപ്പിക്കാനും പ്രാദേശിക നിർമ്മാണം വികസിപ്പിക്കാനും ബോട്ട് ഉദ്ദേശിക്കുന്നു.
മുംബൈ ആസ്ഥാനമായുള്ള കമ്പനി 2,000 കോടി രൂപ സമാഹരിക്കുന്നതിനായി ജനുവരിയിൽ അതിന്റെ കരട് പ്രാരംഭ ഓഹരി വിൽപ്പന രേഖകൾ മാർക്കറ്റ് റെഗുലേറ്ററിന് സമർപ്പിച്ചിരുന്നു. 2022 സാമ്പത്തിക വർഷത്തിൽ കമ്പനി ഏകദേശം 3,000 കോടി രൂപയുടെ വരുമാനം രേഖപ്പെടുത്തി.
