ഭവന വായ്പ എടുത്തവർക്ക് പുതുവർഷം ആശ്വാസമായേക്കും. റിപ്പോ നിരക്ക് കുറയാൻ സാധ്യതയുള്ളത് ഭവന വായ്പ പലിശ കുറച്ചേക്കാം എന്ന സൂചനകളുണ്ട്. പുതുവർഷം അടിസ്ഥാന നിരക്ക് 50മുതൽ 100 ബിപിസ് വരെ കുറച്ചേക്കും.
ജിഡിപി വളർച്ചയിലെ കുറവ് പലിശനിരക്ക് കുറയ്ക്കാൻ കാരണമായേക്കും എന്നാണ് സൂചന. റിപ്പോ നിരക്ക് കുറയുന്നത് റിപ്പോ അധിഷ്ഠിത ഭവനവായ്പകളുടെ പലിശ നിരക്കിൽ കുറവ് വരുത്തും.
100 ബേസിസ് പോയിൻ്റ് വരെ പലിശ കുറയാൻ സാധ്യതയുള്ളതായി വിദഗ്ധർ പ്രവചിക്കുന്നു. ഹോംലോൺ എടുക്കാൻ ആഗ്രഹിക്കുന്നവർക്ക് ഈ അവസരം പ്രയോജനപ്പെടുത്താം. നിലവിലെ വായ്പാ പലിശയുടെ ഭാരം കുറയ്ക്കാൻ വായ്പകൾ പുനക്രമീകരിക്കുന്നതും പരിഗണിക്കാം.
2024-ൽ ഭവനവായ്പാ പലിശ നിരക്കുകൾ ഉയ‍ർന്നിരുന്നു. ഇത് ലോൺ ഉള്ളവരുടെ വായ്പാ ബാധ്യത കൂട്ടി. 2025-ൽ നിരക്ക് കുറയുന്നത് ലോൺ ഉള്ളവർക്ക് ആശ്വാസമാകും. പുതിയ പണനയ അവലോകന യോഗത്തിലും ആർബിഐ അടിസ്ഥാന നിരക്കുകളിൽ മാറ്റം വരുത്തിയിട്ടില്ല.
തുടർച്ചയായ പതിനൊന്നാം തവണയാണ് റിപ്പോ നിരക്കുകൾ മറ്റമില്ലാതെ നിർത്തുന്നത്. ഇതിനു വിപരീതമായി 2025 ൽ പലിശ നിരക്കുകൾ കുറച്ചേക്കുമെന്നാണ് ഈ രംഗത്തെ വിദഗ്ധർ പ്രവചിക്കുന്നത്.
കൂടുതൽ വായ്പ നൽകാൻ ബാങ്കുകളെ സഹായിക്കുന്ന രീതിയിൽ ക്യാഷ് റിസേർവ് റേഷ്യോയിൽ ആർബിഐ മാറ്റം വരുത്തിയിട്ടുണ്ട്. 4.5 ശതമാനത്തിൽ നിന്ന് നാലു ശതമാനമായി ആണ് പലിശ കുറയുക.
വായ്പാ നിരക്കുകൾ മാത്രമല്ല വ്യക്തിഗത വായ്പാ നിരക്കുകൾ ഉൾപ്പെടെ കുറയാൻ ഈ നീക്കം സഹായകരമാകും. വായ്പയെടുക്കൽ ചെലവ് കുറയുന്നത് വായ്പാ വിതരണം ഉയരാൻ സഹായകരമാകും. ഇഎംഐകൾക്കും ചെലവുകുറയും.
ഭവനമേഖലയിലെ ലോണുകൾ മാത്രമല്ല, ചെറുകിട ബിസിനസുകളുടെ ലോൺ വിതരണവും മെച്ചപ്പെട്ടേക്കും.
ആർബിഐ റിപ്പോ നിരക്കിൽ മാറ്റം വരുത്തിയിട്ടില്ല. 6.5 ശതമാനമായാണ് പലിശ നിരക്ക് നിലനിർത്തിയത്. ഈട് രഹിത കാർഷിക വായ്പകളുടെ പരിധി നേരത്തത്തെ 1.6 ലക്ഷം രൂപയിൽ നിന്ന് രണ്ടു ലക്ഷം രൂപയായി ഉയർത്തും.
ഇത് ചെറുകിട കർഷകർക്ക് അനുഗ്രഹമാകും. 2025 സാമ്പത്തിക വർഷത്തിൽ പണപ്പെരുപ്പം 4.8 ശതമാനമായിരിക്കും എന്നാണ് വിലയിരുത്തൽ.
