ന്യൂഡല്ഹി: 2023-24 സാമ്പത്തിക വര്ഷത്തേക്കുള്ള (2024 സാമ്പത്തിക വര്ഷം) ഇടക്കാല ലാഭവിഹിതം പരിഗണിക്കാന് ഹിന്ദുസ്ഥാന് സിങ്ക് ഡയറക്ടര് ബോര്ഡ് ഒരുങ്ങുന്നു. ജൂലൈ 8 നാണ് കമ്പനി ഡയറക്ടര് ബോര്ഡ് യോഗം ചേരുക.
ലാഭവിഹിത വിതരണത്തിന്റെ റെക്കോര്ഡ് തീയതിയായി ജൂലൈ 15 നിശ്ചയിച്ചിട്ടുണ്ട്. കമ്പനി ഓഹരിയുടെ 52 ആഴ്ച ഉയരം 383 രൂപയാണ്. താഴ്ച 242 രൂപ.
ഓഹരി 1 വര്ഷത്തില് 29 ശതമാനമുയര്ന്നു. ജൂണ് 28 മുതല് ആറ് ട്രേഡിംഗ് സെഷനുകളില് ഓഹരി നേട്ടത്തിലാണ് ക്ലോസ് ചെയ്തത്.
വേദാന്തയുടെ ഉടമസ്ഥതയിലുള്ള സ്ഥാപനത്തിന്റെ ഓഹരി വ്യാഴാഴ്ച 3 ശതമാനത്തിലധികമാണ് നേട്ടമുണ്ടാക്കിയത്.
