മുംബൈ: റെയിൽവേ വീൽ വിതരണത്തിനുള്ള ഓർഡർ നേടി ഹിൽട്ടൺ മെറ്റൽ ഫോർജിംഗ്. 2022 ഓഗസ്റ്റ് 29 ന് നടന്ന ടെൻഡറിലൂടെയാണ് കമ്പനിക്ക് ഓർഡർ ലഭിച്ചത്. റെയിൽവേ ഡിപ്പാർട്ട്മെന്റ് ഓഫ് വീൽ മോണോബ്ലോക്ക്-റോൾഡിലേക്ക് റെയിൽവേ വീൽ വിതരണം ചെയ്യുന്നതിനുള്ള ടെൻഡറുകളിൽ പങ്കെടുക്കുന്നതായി കമ്പനി നേരത്തെ അറിയിച്ചിരുന്നു.
ഈ ഓർഡർ പ്രകാരം കമ്പനി ഇതിനകം തന്നെ രണ്ട് ചക്രങ്ങൾ വിതരണം ചെയ്തു. അതേസമയം തങ്ങൾക്ക് ലഭിച്ച ഓർഡറിന്റെ മൂല്യം കമ്പനി വെളിപ്പെടുത്തിയിട്ടില്ല. സ്റ്റീൽ ഫോർജ്ഡ് ഫ്ലേഞ്ചുകൾ, ഫിറ്റിംഗുകൾ & ഓയിൽഫീൽഡ്, ആഭ്യന്തര, അന്തർദേശീയ വിപണികൾക്കുള്ള സമുദ്ര ഉൽപ്പന്നങ്ങൾ എന്നിവയുടെ പ്രമുഖ നിർമ്മാതാവും വിതരണക്കാരനുമാണ് ഹിൽട്ടൺ മെറ്റൽ ഫോർജിംഗ്.
റെയിൽവേ ചക്രങ്ങൾ നിർമ്മിക്കുന്ന ആദ്യത്തെ തദ്ദേശീയ എംഎസ്എംഇ കമ്പനി കൂടിയാണ് ഇത്. അതേസമയം വ്യാഴാഴ്ച കമ്പനിയുടെ ഓഹരി 2.09 ശതമാനം ഇടിഞ്ഞ് 75 രൂപയിലാണ് വ്യാപാരം നടത്തുന്നത്.
