ന്യൂഡൽഹി: രാജ്യത്ത് ഉൽപ്പാദിപ്പിക്കുന്ന അസംസ്കൃത എണ്ണയുടെയും ഡീസൽ കയറ്റുമതിയുടെയും വിൻഡ്ഫോൾ ലാഭനികുതി സർക്കാർ വെട്ടിക്കുറച്ചു.
ആഭ്യന്തരമായി ഉൽപ്പാദിപ്പിക്കുന്ന ക്രൂഡ് ഓയിലിന് സ്പെഷ്യൽ അഡീഷണൽ എക്സൈസ് ഡ്യൂട്ടി അല്ലെങ്കിൽ എസ്എഇഡി രൂപത്തിൽ ചുമത്തുന്ന നികുതി ഒരു ടണ്ണിന് 5,000 രൂപയിൽ നിന്ന് 1,300 രൂപയായി കുറച്ചതായി ഔദ്യോഗിക അറിയിപ്പ് വ്യക്തമാക്കുന്നു.
ഡീസൽ കയറ്റുമതിക്കുള്ള എസ്എഇഡി ലിറ്ററിന് ഒരു രൂപയിൽ നിന്ന് 0.50 രൂപയായി കുറച്ചു. എന്നിരുന്നാലും, ജെറ്റ് ഇന്ധനത്തിണ് ഒരു രൂപ കയറ്റുമതി നികുതി ഏർപ്പെടുത്തി. പെട്രോളിൽ എസ്എഇഡി പൂജ്യമായി തുടരും.
പുതിയ നികുതി നിരക്കുകൾ ചൊവ്വാഴ്ച മുതൽ പ്രാബല്യത്തിൽ വന്നു. ഊർജ കമ്പനികളുടെ സൂപ്പർ നോർമൽ ലാഭത്തിന് നികുതി ചുമത്തുന്ന വർദ്ധിച്ചുവരുന്ന രാജ്യങ്ങളുടെ കൂട്ടത്തിൽ ചേർന്ന് കഴിഞ്ഞ വർഷം ജൂലൈ 1 നാണ് ഇന്ത്യ ആദ്യമായി വിൻഡ്ഫോൾ ലാഭ നികുതി ചുമത്തിയത്.
കഴിഞ്ഞ രണ്ടാഴ്ചയിലെ ശരാശരി എണ്ണവിലയെ അടിസ്ഥാനമാക്കി ഓരോ രണ്ടാഴ്ച കൂടുമ്പോഴുമാണ് നികുതി നിരക്കുകൾ അവലോകനം ചെയ്യുന്നത്.
