- താഴ്ന്ന ജിഗാഹെഡ്സിൻ്റെ ലൈസൻസ് റദ്ദാക്കുന്നു
- 500 മെഗാഹെഡ്സ് എയർവേവുകൾ ഇൻ്റർനെറ്റിൻ്റെ വേഗം കൂട്ടും
ന്യൂഡൽഹി: രാജ്യത്ത് ഇൻ്റർനെറ്റിൻ്റെ വേഗം കൂടും. ഇടപെടലുമായി സർക്കാർ. താഴ്ന്ന ജിഗാഹെഡ്സ് സ്പെക്ട്രം ബാൻഡിന്റെ ലൈസൻസ് ഒഴിവാക്കിയേക്കും. 500 മെഗാഹെഡ്സ് എയർവേവുകൾ ലഭ്യമാക്കാനാണ് സർക്കാർ ശ്രമിക്കുന്നത്. വീടുകളിലെ വൈഫൈയുടെ വേഗത വർധിക്കാൻ ഇത് സഹായകരമാകും.
പുതിയ നീക്കം ഡാറ്റ ലഭ്യത വേഗത്തിലാക്കും. വൈഫൈ 6ഇ, 7 പോലുള്ള സാങ്കേതികവിദ്യകൾ ഉപയോഗിക്കാനാകുന്നത് ഹോം വൈഫൈ നെറ്റ്‌വർക്കുകളിൽ ഉപഭോക്താക്കൾക്ക് വേഗതയും മികച്ച ശേഷിയും ലഭ്യമാക്കും.
നിരവധി ഉപഭോക്താക്കൾക്ക് ഇത് ആശ്വാസമാകും. 500 മെഗാഹെഡ്സ് എയർവേവുകൾ ലഭ്യമാക്കുന്നത് സംബന്ധിച്ച കരട് നിയമങ്ങളാണ് ടെലികോം മന്ത്രാലയം പുറത്തിറക്കിയത്. ഇതിനുശേഷം ചട്ടക്കൂടിന് അന്തിമരൂപം നൽകും.
2.4 ജിഗാഹെഡ്സ്, 5 ജിഗാബെഡ്സ് ബാൻഡുകൾ വഴിയാണ് നിലവിൽ ഇന്ത്യയിൽ വൈഫൈ സേവനങ്ങൾ വാഗ്ദാനം ചെയ്യുന്നത്.
ഓൺലൈൻ ഗെയിമിംഗ്, ഇന്റർനെറ്റ് ഓഫ് തിംഗ്സ്, അസിസ്റ്റഡ് റിയാലിറ്റി, വെർച്വൽ റിയാലിറ്റി തുടങ്ങിയ ഡാറ്റ-ഹെവി ആപ്ലിക്കേഷനുകൾക്ക് പരിമിതമായ വേഗതയും ശേഷിയുമാണ് ഉള്ളതെങ്കിൽ ആ സ്ഥിതി മാറും.
സോണി പ്ലേസ്റ്റേഷൻ 5 പ്രോ വരും
പുതിയ ബാൻഡ് തുറക്കുന്നത് 6 ജിഗാഹെഡ്സിൽ പ്രവർത്തിക്കുന്ന ഏറ്റവും പുതിയ വൈഫൈ റൂട്ടറുകൾ ഇന്ത്യയിൽ ഉപയോഗിക്കാൻ കാരണമാകും.
ആവശ്യമായ എയർവേവുകളുടെ ലഭ്യതക്കുറവ് കാരണം പ്രാദേശികമായി പുറത്തിറക്കാൻ കഴിയാത്ത സോണി പ്ലേസ്റ്റേഷൻ 5 പ്രോ പോലുള്ള ഗെയിമിംഗ് കൺസോളുകളും ഉടൻ ലഭ്യമാകും.
വൈഫൈ 6E, 7 പോലുള്ള പുതുതലമുറ സാങ്കേതികവിദ്യകൾ ഇന്ത്യയിൽ വിന്യസിക്കുന്നതിന് ഇത് വഴിയൊരുക്കും. മെറ്റ, ഗൂഗിൾ, ആമസോൺ, ക്വാൽകോം തുടങ്ങിയ സാങ്കേതിക കമ്പനികൾക്ക് ഇത് അനുകൂലമായേക്കും.
താങ്ങാനാവുന്ന നിരക്കിൽ വർധിച്ചുവരുന്ന ബാൻഡ്‌വിഡ്ത്ത് ആവശ്യകത നിറവേറ്റുക എന്നത് ഈ രംഗത്ത് ഏറെ നാളായുള്ള ആവശ്യമാണ്.
താഴ്ന്ന 6 ജിഗാഹെഡ്സ് ബാൻഡിന്റെ ലൈസൻസിംഗ് ഇന്ത്യയിലെ ഗ്രാമീണ, പിന്നോക്ക സമൂഹങ്ങൾക്ക് സഹായകരമാണ്.
രാജ്യത്തുടനീളം താങ്ങാനാവുന്നതും വിശ്വസനീയവുമായ ബ്രോഡ്‌ബാൻഡ് ആക്‌സസ് നൽകാൻ ലക്ഷ്യമിടുന്ന ഭാരത് നെറ്റ് പോലുള്ള സംരംഭങ്ങൾക്ക് ഇത് സഹായകരമാകുമെന്നാണ് പ്രതീക്ഷിക്കുന്നത്.
