മുംബൈ: ധന സമാഹരണം നടത്താൻ ജിഎംആർ പവർ & അർബൻ ഇൻഫ്രാക്ക് അനുമതി. സെക്യൂരിറ്റികൾ ഇഷ്യൂ ചെയ്യുന്നതിലൂടെ 3,000 കോടി രൂപ വരെ സമാഹരിക്കുന്നതിന് തങ്ങളുടെ ബോർഡ് അനുമതി നൽകിയതായി ജിഎംആർ പവർ ആൻഡ് അർബൻ ഇൻഫ്ര ബിഎസ്ഇ ഫയലിംഗിൽ അറിയിച്ചു. വ്യാഴാഴ്ച ചേർന്ന ബോർഡ് യോഗത്തിലാണ് കമ്പനിക്ക് അനുമതി ലഭിച്ചത്.
ക്യുഐപിയും വിദേശ കറൻസി കൺവെർട്ടിബിൾ ബോണ്ടുകളും ഉൾപ്പെടുന്ന ഒന്നോ അതിലധികമോ തവണകളിലായിരിക്കും കമ്പനി ധന സമാഹരണം നടത്തുക. കൂടാതെ ഈ സമാഹരണം മറ്റ് റെഗുലേറ്ററി അംഗീകാരങ്ങൾക്ക് വിധേയമായി നടത്തുമെന്ന് കമ്പനി ഫയലിംഗിൽ കൂട്ടിച്ചേർത്തു.
ഊർജം, നഗര അടിസ്ഥാന സൗകര്യം, ഗതാഗതം തുടങ്ങിയ മേഖലകളിൽ പ്രവർത്തിക്കുന്ന കമ്പനിയാണ് ജിഎംആർ പവർ ആൻഡ് അർബൻ ഇൻഫ്ര. ഒപ്പം ഇത് ജിഎംആർ എന്റർപ്രൈസസിന്റെ ഒരു വിഭാഗമാണ്.
