കഴിഞ്ഞയാഴ്ച മാത്രം വിദേശ നിക്ഷേപകർ രാജ്യത്തെ ഓഹരി വിപണികളിൽ നിക്ഷേപിച്ചത് 8472 കോടി രൂപ.
ഈ മാസം ആദ്യവാരങ്ങളിൽ വൻതോതിൽ വിൽപന നടത്തിയ വിദേശനിക്ഷേപകരാണ് വിപണി സാഹചര്യങ്ങൾ കുറച്ചുകൂടി മെച്ചപ്പെട്ടതോടെ തിരിച്ചെത്തിയത്.
മൂന്നു വ്യാപാരദിനങ്ങൾ മാത്രമുണ്ടായിരുന്ന കഴിഞ്ഞ ആഴ്ചയിലെ കണക്കെടുത്താൽ 15 ന് 2,352 കോടി രൂപയുടെ ഓഹരികൾ വിൽക്കുകയും തുടർന്നുള്ള 2 വ്യാപാരദിനങ്ങളിലായി 10,824 കോടി രൂപയുടെ ഓഹരികൾ വാങ്ങുകയും ചെയ്തു.
അതേസമയം ഈ മാസം ഇതുവരെയുള്ള കണക്കെടുത്താൽ 23,103 കോടി രൂപയാണ് വിദേശ നിക്ഷേപകരുടെ ആകെ വിൽപന. ഈ വർഷം ഇതുവരെ വിപണിയിൽ നിന്നു പിൻവലിച്ചത് 1.4 ലക്ഷം കോടി രൂപ.
