കൊച്ചി: ഇന്ത്യയിലെ ഏക പ്യുവര്-പ്ലേ ബിടുസി ഇ-കൊമേഴ്സ് ലോജിസ്റ്റിക്സ് സേവന ദാതാക്കളായ ഇകോം എക്സ്പ്രസ് ലിമിറ്റഡ് പ്രാഥമിക ഓഹരി വില്പനയ്ക്ക് (ഐപിഒ) അനുമതി തേടി സെബിയ്ക്ക് കരടുരേഖ (ഡിആര്എച്ച്പി) സമര്പ്പിച്ചു.
ഐപിഒയിലൂടെ 2600 കോടി രൂപ സമാഹരിക്കാനാണ് കമ്പനി ലക്ഷ്യമിടുന്നത്.
1284.50 കോടി രൂപയുടെ പുതിയ ഓഹരികളും നിലവിലുള്ള നിക്ഷേപകരുടെ 1315.50 കോടി രൂപയുടെ ഇക്വിറ്റി ഓഹരികളുടെ ഓഫര് ഫോര് സെയിലുമാണ് ഐപിഒയില് ഉള്പ്പെടുത്തിയിരിക്കുന്നത്.
